ياختي قبل كلشي اساس العلاقه محرمه وهو رجل اجنبي عنك وهذا العلاقه تؤدي لطريق الهلاك والخسران استغفري وتوبي لله وفكري مليون مره وبكل الطرق كيف تنهينه وتخسرينه من حياتك وطلبي ربي في العوض بالحلال ودرب الرضا والفلاح

تفاهات وقلة حيا ماتبغين تخسرينه توقعت زوجك ماهو واحد من الشارع ولو كان محترم وراقي ونظرته لك انك محترمه وراقيه كان جا من الباب
هذا وعمرك ٣٠ وش خليتي للمراهقات

مسألة انك داخله علينا وعليه من منطلق (مابي اخسره ) هذي بحد ذاتها اكبر مشكله انتي واقعه فيها
التعلق بمخلوق بشري ضعيف لا يملك لك الضر ولا النفع تعتبرينه الاكسجين والماء لحياتك وبدونه ماعندك حياه ولا وجود هذا هو الخلل
بينما هذا الشاب شايف وعارف غيرك الكثير من البنات وكلهم جالس وآكل وشارب معاهم واكيد بينهم سواليف وضحك وميانه كبيره اللي اتوقع لو تسمح لك الفرصه تشوفينه وهو معاهم كيف فالينها ان تجيك صدمه وتعيدين النظر مليون مره في هذي العلاقه اللي ما تشبهك ولا تشبهينها وراح تحسين نفسك مغفله وساذجه مشى عليك كلامه اللي قاله وكرره على غيرك
بترجعين تقولين هو رجال عنده منصب ومن هالكلام الفاضي
معليش حبيبتي من متى المنصب يعطي الرجال حصانه اخلاقيه ومصداقيه ؟
اذا كان هذا مقياسك للرجال فلازم تصححين هذا المقياس المضروب
والسؤال المهم اللي لازم تطرحينه على نفسك " ماذا بعد المقابله ؟ "
الرجال اللي يبيك ومتمسك فيك ويحبك ماراح يجرجرك للشوارع عشان تقابلينه حالك حال المودلز اللي اصلاً هذا مجالهم عالم فيه تنازلات وجرأه ومسايره لفلان وعلان عشان مصالحهم الشخصيه لا اكثر
المقارنه بينك وبينهم غير مقبوله من الاساس وغير عادله
من الاخر اعرفي انتي رايحه لوين بهذي العلاقه وايش نهايتها
واظن النهايه واضحه لكنك في حالة تعلق وانكار متمسكه بهذا الشعور اللي يعطيك اياه
وانتي في عمر يفترض تكونين ناضجه وتعرفين تقررين القرار السليم وما تصير كلمه توديك وتجيبك وتقدمين تنازلات بحجة انه عايرك انك في اي زمن عايشه ولو تجي السالفه على خواته ماراح يقبل بس كلام على الفاضي عشان يستدرجك لمستنقعه
وانتي بس شوفيه من كثر ما تعود على قلة الادب وملاحق البنات صار يشوف ان هذا الوضع الطبيعي قال ايش دارس في امريكا وراعي منصب انا مدري شلون يضحك عليك بهذا الكلام وانتي تدربين له راسك تصدقينه 😂😂

فاهم التطور والعصر الحديث غلط بالعكس طلباته اللي بقت بالجاهليه😅

من ترك شيئاً لله عوضه الله بخيرا منه هذا 1
2تكفين طلبتك لاتكسرين قلب امك وابوك تكفين
الحين تعطينه بلوك وتحذفين كل شيء يتعلق به
قال دارس برى ومنصب قال