هلا بالغاليات خواتي كلكن
ياخواتي انا مليت من حالتي جاراتي لي 4 سنين وكل مااروح انتجمع عند وحده اروح وانا ارجف وخايفه
ومتوتره مدري خجل مدري رهاب مدري خوف اه وربي مرات اقول ارحم حالي واقعد مااجي احد
من الاعراض الي تجيني تخيلو وانا امشي ارتبك ويدق قلبي ويالله اتنفس مدري شالي جاني ماكنت لهدرجه
اي نعم كنت خجوله بس مو بعراض قويه ياخوفي تبان علي هالاعراض وتحرجني اه مفروض احمل
وانا خايفه اتهرب ودي ببنت بس هالخوف معرقل حياتي يبنات وربي اقول مرات بقطع علاقتي بجاراتي
وكذب احن عليهم وتعرفون هم مايدرون اخاف يقولون ماتبينا وانا ربي عالم مافيني بس مابين اروح لنفساني
ولا شوي انا مامن معين غير الله زوجي مااعلمه لانه نقاد من الدرجه الاولي وربي كرهت حياتي من جد
احس ماني متمتعه بالحياه جاراتي احس يدخلن علي بكل ثقه وراحة بال انا الله لايوريكم حتي لما يزورني احد
اه من الاعراض الي تجيني مرات اقول من الوحده لاخوات يسالن ولا فيهن خير خواتي قاطعات عقلهن
صغير مايجوني ولايتصلوت اذا اتصلت عليها وحده من خواتي ماتشيل واذا قلتلها شبلاج ماتشيلين تقولي شتبين
ليه تدقين وهي اصغر مني بواجد اه شعالعايله القاطعه لدرجه تقولي باخذ راحتي شهل التفكير ردو علي تعبانه نفسيتي
من قطاعت الاهل وربي جراتي لزاروني هم بوادي وقلبي بوادي احتر يسولفون عن اهلهن وانا مالي
احد الا خواتي القاطعات لاتقولولي جاراتك هن خواتك لا هن يروحن لاهلهن صرنا مانتلاقه الا بالشهر مره
خلوها علي الله ودي احمل ببنت كله عندي صبيان بس من يقوم فيني زوجي دوام وشغله وانا من يقوم فيني لي الله
ادعولي ربي يونس وحشتي
ماي المطر @may_almtr
عضوة نشيطة
يلزم عليك تسجيل الدخول أولًا لكتابة تعليق.
احنا بشر
•
اذا منعتى نفسج بتزيد الحاله,حاولي تروحين دكتور نفسي,ولاتنسين الرقيه,بعدين قبل لاتدشين مكان زهبي الكلام اللي بتقولينه,واذا استحيتي وماعرفتي ترديتن,ابتسمي بنعومه ,وعلى فكره بقولج شغله,اللي انتي فيه كثير يعانون منه,مو انتي بروحج,ولاتحسبين الناس بتدقق باللي تقولينه,لا ,,,,,ترى اهم وانتي تتكلمين,يحاولون يجهزون الرد,يعني مو منتبهين,فحاوي انج تكونين عفويه,ولاتتكلفين بالكلام,لا ,,,,,,,خلي كلامج عادي وسهل ,وتدربي قبل لاتدشين المكان,وخليج كأنج ممثله,تدربي وادخلي ومثلي,مااقول جذبي لا,اتصور فهمتي علي,بس اذا انطويتي وقعدتي بروحج زادت الوساوس,وفي البدايه,عطي طرف الحديث للي امامج,وصيري المصغيه,وبتعابير , ,يعني ابتسامه,وهزي راسج,يعني معاج,افتحي عيونج خبر انصدمت فيه,عطي كلمات(مثل لااااااااا,معقوله,جد ,تتغشمرين,مااصدق,مستحيل)طبعا مع تعابير الوجه,اول ماتدخلين,سلام حاااار ,ولما تطلعين نفس الشي,,,,,,,,,,,وصدقيني خلي الباجي عليهم اذا عطيتي التعابير,تلاقينهم بتكلمون وماراح يسكتون.ولا راح يحسون بحالتج,بالعكس بيستانسون عليج لانه عطيتهم المجال يتكلمون.ومع الوقت راح تتحسن حالتج,,انما العلم بالتعلم وانما الحلم بالتحلم,تدربي على هالشي,وبعدين,بتصيرين اجتماعيه
صح كلامج يالغاليه احنا بشر بس المشكله وانا رايحه تضربني الهواجيس والقلق بس بحاول واردلج خبر هو صح لاسكت
اعطيهم مجال بس ماحس قلبي مستانس مدري ليه متضايقه من اموري لاني بروحي لو راحو شسوي
اعطيهم مجال بس ماحس قلبي مستانس مدري ليه متضايقه من اموري لاني بروحي لو راحو شسوي
بياقلبي هذا اسمه رهاب اجتماعي اغلب الناس يمرون فيه مع الزمن يخف بس لازم تكثرين طلعاتك وتواجهين الناس عشان تعالجين نفسك بنفسك ولا يبي لهالحاله روحه لطبييب نفسي يبي لها مواجهه وتخف 000موفقه
الصفحة الأخيرة