عنود فهد :

بكرا اذا تزوجت خلك قاعدة عند الزوج الحنون عشان يعوضك عسارة ابوك وحدته ولا تزورين امك الا مرة كل شهر واذا ولدت خلي الحنون يجابلك ويهتم فيك مب تنطين عند امك ٩٩٪؜ من النساء يقولون كلام ولا يقدرون يطبقون ١٪؜ من كلامهم

بكرا اذا تزوجت خلك قاعدة عند الزوج الحنون عشان يعوضك عسارة ابوك وحدته ولا تزورين امك الا مرة كل...

أم عزام :

دامك تدافعين هذا الشعور وتقاومينه فأنت بخير ماعليك من الردود اللي تذر الملح على الجرح والبعض كأن بينك وبينها ثار يادافع البلا.. أنت أبخص بنفسك ادعي لهم بسجودك وراح تشوفين الراحة ويكون لك مثل مادعيتِ الله يسلل سليمة صدرك ويطهر قلبك وبدنك ويرزقك من خيرات الدنيا والآخرة ماتقر به عينك. ويعوضك عن كل ألم عشتيه العوض الحسن. والله الله بأمك لاتحسسينها بالذنب وتضغطينها زود على ماهي فيه بشي مالها يد فيه.. بريها وحني عليها تراها تتمنى تشوفك بأحسن حال وتشيل همك أكثر منك.. أمك أمك لا أوصيك فيها حبيبتي 💕

دامك تدافعين هذا الشعور وتقاومينه فأنت بخير ماعليك من الردود اللي تذر الملح على الجرح والبعض كأن...

ورد :

"لربما يكون إنتظارك لمعجزه تأتي على هيئة معجزتين🌷" لا تغرك المظاهر يعني اياً يكن الشخص حتى لو تعرفينه وقريب منك ترا فيه أشياء ماتعرفينها عنه هو بس يظهر الأشياء الي يبغاكم تعرفونها لاتقولين الكل يمدحه وسمعته حلوه ووووو صدقيني محد كامل الا رب العالمين وزي مايقولون (الزين مايكمل) لابد يكون فيه صفات سيئه حاله حال أي شخص بالعالم وترا ربي ياخذ ويعطي ماتعرفين وش أخذ من بنت عمك وعوضها يمكن انها زيك كانت تعاني لاتقولين ابوها طيب ويدللها بالنهايه احنا مو عايشين معهم ولا ندري وش يصير ببيتهم ولا نعرف وش واجهت ووش خسرت ومين فقدت لا تغرك المظاهر كلنا نقدر نبين أجمل جانب فينا ،ولاتعرفين ايش بينها وبين ربها وإنتِ ربي بيعوضك بالاحسن ربي يعرف ان ذا الشخص فيه ضرر عليك فصرفه عنك ربي مايخلق أحد وينساه والأرزاق موزعه ومقسومه وش يدريك يمكن ربي يبغاك تتقربين أكثر منه يبغاك تدعينه تلجأين له يبغى يسمع صوتك وانتِ تناجينه وتطلبينه وتصبرين يبغاك تعرفين انه حتى لو رزقك ب أحن شخص بالدنيا هذا الشخص ماراح يغنيك عن الله ويبغاك تثقين فيه وتقولين إيمانك وخلاك تمرين بهذه الظروف كلها عشان يقويك ترا كل شي يصير بهذه الدنيا فيه رساله من رب العالمين لازم تفهمين الرساله لاتزعلين ولاتتمسكين ب شي ربي بنفسه صرفه عنك من رضي فله الرضا ومن سخط فله السخط تقربي أكثر من الله ادعيه صلي الوتر صلي النوافل اقرأي كل يوم جزء من سوره البقره وبإذن الله أن ربي يرزقك الزوج الصالح الي يسعدك ويعوضك عن كل شي مريتي فيه بس اصبري لانه على كل شي تؤجرين ولاتعرفين وش ربي مخبي لك.

"لربما يكون إنتظارك لمعجزه تأتي على هيئة معجزتين🌷" لا تغرك المظاهر يعني اياً يكن الشخص حتى لو...