مابي مساعده ... ابي فزعه

السلام عليكم ورحمة الله
لي اسبوع افكر وين اكتب موضوعي :(

اقول اكتبه في قسم الشعر .. ولا السمنه .. ولا ولا

المهم بالاخير قررت اكتبه هناا بما اني طالبه الفزعه ومتأكده منتم تاركين الموضوع

الا رادين علي رد يشرح الصدر..

اخواتي القصه ومافيهااا

بطلع بعد اسبوعين من اربعيني

ابي اغير اللوك .. ابي رايكم

شعري لحد اخر ظهري لونه اسود وفيه شعرات شيب مو كبر سن :(

مدري اصبغه ؟؟ ودي اغير لونه ؟؟ ونفسي اروح لريجنسي بالبحرين قالو صبغتهم حلوه وشرايكم للي جربو شغلهم ؟؟ ودي افرده عندهم يطلع حرير على طول
شعري ناعم بس فيه تمويجات خفيفه

بشرتي الحين صافيه واحط كريمات عليها وماشي حالي

رقبتي للحين غامقه .. مدري متى ترجع لوضعها السابق

بطني وآآآآه من بطني :(

موكبير مره بس للحين مترهل واكيد توني

بس مسويه عمليه قيصيريه .. مدري متى اقدر اسوي تمارين عشان اشدها

واللعب رياضه ؟؟؟

وزني وياللهوي على وزني :icon33: :icon33:

بعد الولاده وقف على 95 ياربيييييييييييييي متى ينزل هذ1 كله
ومشلكتي اني ارضع بنتي من صدري مدري شلون اخفف اكل مع اني من اول ماولدت احاسب على اكلي ونزلت كم كيلوو بس للحين وزني كبير بالنسبه لطولي
160 :( وقاعده اكثر شي اشرب حليب شاي قليل دسم مدري هو الي مخلي وزني ماينزل ؟؟

اباطي غامقه من حملت لحد الحين
بس شريت من صار لي اسبوعين على ولادتي الدوكين 4%
وفتح شوي بس موو مره

والي عندها اي حل للي قلته وشلون تخلين اطلع من اربعيني تحفه وافرح زوجي بالتغييرر بدعي لهاا من كل قلبي بصلاتي اخر الليل ان ربي ينولها الي تتمناه في حياتها ..

خواتي طلبت الفزعه .. واتمنى ماتقصرون معي مالي الا الله ثم انتم