ماتآقف الدنيا علشان رجال .. !

مساء الخير جميعاً




كيفكم صبايا ..
اممم اللي مشغوله لاتضيع وضقتها بقراءة موضوعي مجرد خربشات




حبيباتي الكريمات /


انا هنا لا أُخبب فقط اقدم لكم ولنفسي النصيحة
بعض النساء للأسف جعلت شغلها الشاغل زوجها وش يحب وش يكره وش يضايقه وش يرضيه وش يزعله وتقضي اوقات طويله بس للتفكير في شي ممكن يجلب السعاده لهالزوج ..!! لحظه لحظه


حطي في بالك شي حبيبتي .. تزوجتي هالشخص مو معناته امتلكتيه لا ..!!


ترا هو شخص له كيانه الخاص فيه .. انتي فقط اضافه جميله لحياته ..
اسعديه وحبيه واعطيه بس بحدود .. نفسك اولاً ثم الاخرين ..
ان جا ياهلا فيه العين اوسع له من الدار .. وان راح الله معاه مانتبع المقفي .. ومن باعنا برخيص .. بتراب ينباع .. ومن عافنا كل الجوارح تعافه ..


نفسك ثم نفسك ثم نفسك ..
اهتمي فيها استرخي واهتمي باناقتك وشكلك وشعرك وبشرتك .. اطلعي عند اهلك صديقاتك جيرانك .. افتحي لك مشروع صغير .. تابعي برامج مفيده على اليوتيوب او التي في




ياحبيتي لاتبالغي في الحب والدلع والاهتمام لزوجك لاتضغطي على نفسك اذا انتي مريضه قولي معليش اليوم تعبانه ترا انتي مو آله انتي بشر ..


انا ما اخبب لاوالله بس انصح .. اعطي في حدود ماتآخذي .. لاتمثلي دور الضعيفه وتقولي بيرحمني ومدري وشو .. والله الرجال ماهمهم الا انفسهم الا ماندر




لي تجربه طويله في هذا المجال ربما سأفصح عنها لاحقآ
دمتم بحب ..