اخواتي ..اتحدث هنا عن قناة رائعه بمعنى الكلمه اسمها قناة"بدايه"
هي رائعه بما فيه من محاضرات صوتيه تأتي كل صباح
رائعه بما فيها من نصائح اسريه تخص الرجل..والمرأة..والطفل
رائعه باستشاراتها الطبيه
ولكن مالفت نظري ...هو الشات
فهناك رسائل....مضحكه....ومحزنه....ور سائل تجلب المرض...والضغط...والسكر...وممك ن السكته القلبيه في بعض الاحيان
ومن الرسائل التي تجلب لنا الامراض(وبالذات بعد صلاة الفجر)رسائل تحث الرجل ...بل وتجبره على التعدد ومنهrالشرع محلل اربع ومن حقنا نتزوج............(يعني حضرة جنابك ماالتزمت بالشرع الافي هالنقطه).
]
والا اللي تقول...........وهذه اشك ان اللي راسلتها حرمه...
تقول...انا زوجي يموووت فيني ومدلعني ع الاخر ومايشوف الدنيا الافيني وحبيت أكافئه وازوجه الثانيه..وهذامن حقه................(على قلبي يالحنونه..ممكن تعطيه لجارتي تراها حنونه مثلك)
والا اللي يقول....يااخواني زوجتي حنونه ..وحلوه..وطيبه...ولافيها العيبه...وابغى اتزوج...وخايف اصارحها واجرحها..........اش الحل؟؟....................(لاتعليق).
ومن الرسائل اللي (مالقيت لها وصف)
واحد يقول.....ياجماعه انا دوبي فطرت وزوجتي سوت الغدا وماله مكان...اتغدى والا لا..اش رأيكم؟؟
وحده تقول ...ياجماعه انا حامل بالتاسع وقبل شوي نزل مني دم والام...اش اسوي؟؟.(اشك انها تعرف اختراع اسمه مستشفى!!)
وحده تقول......عاد هذه اللي ودي اذبحها
ياجماعه انا عروسه لي 4 شهور وزوجي يمووووت فيني ويحبني ومدلعني ومايقصر علي وطاااير فيني...بس معاشه على قده وانا كنت عايشه بخير عند اهلي مع انه مايمنعني من اي طلب وراتبه كله في يدي ومو محسسني بالنقص..وافكر اتطلق..اش رأيكم؟؟(ممكن تقابليني شوي لو سمحتي ابغاك بكلمة راس)
وواحد يقول...زوجتي وسخه وماهي نظيفه..والبيت زباله...اش الحل(واذا بليتم فاستتروا)
وحده تقول ....الحقوني عيالي الكبار الحين رايحين المدرسه والاثنين الصغار يصيحون يبغون ملوخيه..اش اسوي(عادي اعطي كل واحد مخمس ونامي)
ووحده تقول...انا فيني نوم وورايه دوام اروح والا انام ..اش رأيكم(رأيي قدمي استقالتك وكبري المخده)
وحده تقول...زوجي فوضوي ومايعرف معنى النظافه وريحته خااااايسه...واذا دخل الحمام مايسحب السيفون..واذا قلت ليه ماتسحب السيفون قال..انا ماتزوجتك الا عشان انتي تسحبيه!!!!!(احلى ياالقوي)
واحد يقول...انا ربي اعطاني جمال الوجه واذا رحت للسوق مااخلص من البنات...اش الحل(اقعد بالبيت ياتوم كروز)::
وحده تقول زوجي جا سكران وظربني الى ان حبيت الارض اروح لاهلي والا لا انا استنى ردكم تراني لابسه العبايه وعند الباب(؟؟؟؟؟؟؟؟)
وهذه الرساله مدري اش اقول عنها والله
تقول الحقوني انا حامل ولاني عارفه من مين لاني اعرف اكثر من واحد وماني متزوجه ساعدوني(الحل اطلعي اعلى جبل وارمي نفسك اي حل تبغين؟؟).....والقناة ارفع قدرا من هالتوافه والله
واللي يطلبون آراء في اشياء ماادري اش اقول عنها ...زي اللي تقول انا معزومه اروح والااقعد....واللي عنده نوم انام والااسهر...واللي وراها مدرسه اروح ولااغيب...واللي بيتعرف عليها واحد ويدق عليها الجوال ترد عليه والاتطنشه؟؟
بالله فاضيين لهاالدرجه
ياجماعه عندكم رصيد..ووقت..ارسله لخير...حديث.....نصيحه...دعاء
وماانكر انه فيه البعض يرسل لكن وين ووين نقرأ هالشئ
والله هالقناة فيها الخير لكن هالرسائل مااعرف ليه يعرضوها وبالذات اللي فيها بنات متعرفات على شباب واللي يسونه معاهم
احيانا اذا زوجي فيه احول عن القناة من البلاوي المكتوبه....حتى بعضهن تكتب ان عندها التهابات و و و ...ياجماعة الخير هذه قناة ماهي مشتشفى
واكيد قرأتن مثلي هالرسائل اللي اسأل الله انه يهدي اصحابها واصحاب القناة اللي يسمحوا في بعضها والتافهه على وجه الخصوص
كل وحدة تكتب اللي في خاطرها علشان مااحد يعرفها الله لايبلانا