**بقــــ جروووح ـــايا** شوفي خويتي اول مره ادخل معكم ركن المشاكل واشارك معكم

البنت ما عودتوها وهي صغيره على الصوم علشان لما جتها الدوره تكون مستعده تصومه كله

شوفي عندي بنتين الله يخليهم معودتهم على الصيام والتحمل براحتهم وعودتهم من كانو صغار يعني من عمر اربع سنين وخمس سنين التمهيدي وكلما يجي رمضان يقلون ماما بنصوم

وكلما يجي رمضان يصومون اللي قدرو عليه حتى تعودو على الصوم حتى في المناسبات الدينيه يصومون معنا براحتهم ما اكلف عليهم

والحين بعد ما وصلو عمرهم الصغيره عمرها تسع سنين الى الحين صايمته كله وجتني في يوم من الايام تعبانه وعطشانه وجيعانه قالتلي ماما تعبت من ارهاق الدراسه ابي افطر وكان باقي على الاذان 3 ساعات قلتلها انتي تحملتي عشر ساعات باقي لك 3 ساعات واذا صبرتي عليهم تكسبي رضا ربك ويكتب لك حسنات واذا فطرتي ايش بتسوين بتاكلين وبتنقص عليك حسنه

لكن براحتك انا ما اكلف عليك تدرين ايش قالت قالت لا يا ماما انا صبرت على الساعات الطويله ماعدا القربيه ابي ربي يزيدني حسنات


واللي اكبر منها عمرها 11 سنه ما بلغت نفس اختها لكني معودتها على الصيام والتحمل وقد عرفتها عن الدوره الشهريه علشان تكون لها مستعده واذا جاء رمضان الفتاه اذا بلغت لازم تصوم رمضان كله الا ايام الحيض راحه وتفطر فيه ثم القضاء

الحمد لله رب العالمين الله يخليهم يارب

شوفي خويتي اني جيبيها بالسياسه والتعريف على الدين وان الله يراقب كل مسلم على اعماله
واننا لازم نلتزم بما امرنا الله ولازم تكسبي حب الله وان شهر رمضان شهر الخير
وحاولي تعرفيها كل شئ شوي شوي علشان تحب الصوم


يارب اكون افتدك وتقدري تحلي مشكلتها

السلام عليكم،
اختي جواهر الجنوب>>>>>هذي التربية ولا بلاش
مشالله عليج
وفعلا التعليم في الصغر كالنقش على الحجر

والله ياقلبي .. هالعمر صعبه وراح تاخذ الموضوع عناد..
انتوا شوفوا حاولوا لا تغصبونها لانها بتعاند .. بس جيبوها لها من باب المزح يعني الصبح خلي امك ولا ابوك يقولون ها ها ماشاءالله اليوم صايمه .. زين انشاءالله ماتعطشين..
بهالطريقه هي تستحي ..
وصدقيني اذا بتصرون عليها وتنصحونها بتاخذها بعناد..
حنا بعد صار هالشي مع وحده من بنات خالتي بس الحمدلله بدينا لما نتجمع كل وحده تقول انا صمت الى المغرب .. وصارت هي تغار مننا وتصوم ..
ومثل ماقالوا البنات هو يعتمد على الصغر..
احنا ببيتنا والله يا بنات من غير مبالغه انه صايمين قبل لا ندخل المدارس ..
بس الحمدلله هذا الشي ما ضرنا نفعنا بالعكس ..
والله يهديها ..

اختي جواهر الجنوب الله يحفظلك بناتك
ويحميهم يارب وفعلا هذي الطريقه الصحيحه
وصدقيني احنا الحمدلله معودينها على الصيام
وكانت حريصه حتى لما كنانقول صومي يوم وافطري
يوم ترفض وتكمل صيامها بس الظاهر لما حست انه
اجباري استصعبت وسارت تطنش او بمعنى اصح تعاند

الله يقدرني ويعيني عليها عنيده وراسها ياابس



اكيد افددتيني ياقلبي وجزاك الله خير نورتي
^^^^^^^^^^^^^^^^^^^^^^^^^^^^
شيخةالزين

فعلا هذا اللي صار والمشكله انها شايفه نفسها صغيره وماتبغى تلتزم
عموما نورتي ياقلبي والله يهيدها ويعينا عليها وراح اسوي كل اللي استفدته
منكم واشوف ايش النهايه معاها

البنات ماشاء الله ماقصرو

وبنسبه لي اشوف انها تقلد ومتاثره بصاحباتها الي معها ومفطرين وتشتهي ياحياتي تاكل وتشرب وهي تشوفهم يفطرون قدامها ويمكن اغلبهم مابلغوا اصلا ً

الله يعينها ويوفقها لصيام رمضان ويوفقكم لاقناعها وزياده حماسها للصوم ان شاء الله :26:

..

.