ماتتخيلون يابنات والله أخيراً طال شعري بهالطريقة

بنات أنا شعري أزمة
كله كاريه ولا بوي ولاقصة نوال ولا ولا ولا ولا
وكل ماتنافست مع وحده عشان اطوله يفشلني اللين عقدت العزم
وطولته ويليتكم ماتشوفون
التقصف بيطلع لين الجذور
ومع ذلك مايأست وطولته
ولما ولدت بطفلي الثاني
وتعرفون طبعا الأربعين وماأدراك مالأربعين
تخيلوا استمريت على هذي الزيوت
يوم أحط زيت الخروع+ زيت اللوز الحلو(الإنجليزي)
واليوم الثاني (زيت براشوت)
وهكذا لين رحت بيت أبو العيال وبعدين وقفت
والله ثم والله ثم والله إن شعري كان لين كتفيني أو أطول شوي
وبعدها وصل لين نص ظهري وكثافة مهب طبيعية ولاشعره متساقطة ولايحزنون
ولكن بعد مارحت بيتي ومع العيال وهذرتهم والرضاعة بدا يتساقط شوي بس مازلت اعتني فيه وبدا التساقط يخف والحمد لله
وآسفه للإطالة يابنات وبارك الله فيكم