يسعد مساءكم بكل خير
هذي قصه الفتاه نجلاء
00000000000000000
كانت نجلاء بنت جميلة جدا وعلى خلق عالي وعندما كبرت كان الخطاب يطرقون بابهم للفوز بها زوجة وعندما تمت الموافقة على العريس المناسبـ وتم تحديد موعد الزواج مضتـ نجلاء مع أهلها في الاستعداد لزواج وتجهيز لوازمه وفي تلك الأيام وعند قرب موعد الزواج تعبت نجلاء وطلبت المستشفى وكانت تشكوا من الم في الرأس فأسرعوا بها إلى المستشفي و في المستشفي أدخلت نجلاء مباشرة إلى غرفة العناية المركزة ومنعوا أهلها من رؤيتها حيث إن حالتها كانت خطيرة وسمحوا فقط لوالدها إن يراها لمدة قصيرة..ابتسمت نجلاء ابتسامة ترحيب بوالدها وفي نفس الوقت ابتسامة مودع!!
فصعق ابوها وقال ماذا ماتت نجلاء ماتت نجلاء فما كان منه الى ان بكاها بهذة المرثية الرائعة
لعـل دنيـا غـاب عنهـا قمرهـا
. تظلم جوانبها على طـول الايـام
ماينعرف في يومهـا مـن شهرهـا
واللي يبي لم اليمـن ينحـر الشـام
ولعل عيـن شـح دمعـة مطرهـا
عليـك يانجـلا تعثـر بـالاقـدام
غديت مثـل ام الحويـر قهرهـا .
قيدا وهـي لحوارهـا تـرزم ارزام
اضيق واجحد عبرتي فـي نحرهـا
يردني عن بكـوتِ ديـن الاسـلام
عليـك ياتومـة فـؤادي قمـرهـا
.موت على كل المـلا حاكـم عـام
موت تخير وردتي مـن زهرهـا.
وهي بقلبـي منبتـه حـب واريـام
مـوت معاليقـي بصـدري بترهـا
حكم من المولى جرت بيـه الاقـلام
نوه على نبنـوب عـودي نذرهـا
عـود تغـرق بالربـى والتنـعـام
تسعة عشر عـام لنجـلاء عمرهـا
ربي على حشمه ومنطـوق وإلهـام
يوم القـدر يانـور عينـي خطفهـا
اخفت صواب صابها بالحشـا هـام
مايدري الغايب ولا مـن حضرهـا
ماغير في وجهه تشـوف التبسـام
طلبت ازوره قالـوا الربـع زرهـا
س اقصر الجلسه على موجب الزام
فرحت وقالت ياهلا فـي سفرهـا .
ابوي احبـك بـس ماطـاب مـادام
دفنتهـا عقـب استلامـي مهرهـا
حكم من الوالي وهـو رب الاحكـام
ومـي حفـار المقابـر شبـرهـا
زادت على الحفره بشبرين وابهـام
ياحفرة ضمـت خصايـل شعرهـا
عسى الحياء يسقيك عام باثر عـام
كيف القمر يدفـن بـلاذي حفرهـا
عقب البشاشه والبهاء تلبـس الخـام
عقب المعـزه بيـن بـر وبحرهـا
تدفن بقبر موحش بيـن الارضـام
ودموعي اللي تنطلق مـن بحرهـا
تصير في خـدي للحـزن مرسـام
أبكي ويبكـي والمحاجـر سعرهـا
.مثل الذي مقهور من سـود الايـام
أبكي ويبكي كل من سمـع خبرهـا
أبكي نهاري وابكـي الليـل ماانـام
واعينـي اللـي تستلـذ لسهـرهـا
على التي يبنـي بقلبـي لـه خيـام
أشوفها حولـي تقلـب صورهـا..
.كنه تنادينـي علـى بـر وإكـرام
واقلبي اللي كـل ماادلـه ذكرهـا.
.يزيد في نجـلاء تخافيـق وإيهـام
للحـل ياشمـس البنـات وقمرهـا.
.صلى عليك منزل اقـرا والانعـام
عفيفـة ربـي بدينـه ستـرهـا .
وثيابـهـا مادنستـهـن بـالاثـام
عسـاه بالجنـه تقطـف ثمـرهـا
فـي جـاه ربـي للخفيـات عـلام
صلاة ربي كـل ماهمـل مطرهـا
وماناحت الورقى على روس الاوجام
علـى نبـي للشريعـه نشـرهـا .
لين إنتشر في نور وزالن الاوهـام

بنت الرياض2011 @bnt_alryad2011
عضوة جديدة
يلزم عليك تسجيل الدخول أولًا لكتابة تعليق.

غصن الوفاء
•
لاحول ولاقوة الابالله




الصفحة الأخيرة