ماتت مشاعري معاه

السلام عليكم ورحمة الله وبركاته


اخواتي
كثير تحصل مشاكل بيني وبين زوجي قبل يجي يراضيني حتى وان كنت انا الغلطانه اما الان بتاتا مايراضيني وصار يكابر حده اذا بباله العلاقه ياخذ ال يبي
المهم كل مره ل حصل بيني وبينه مشكله اقول خلاص توبه لازم اكون معه رسميه مابي دايم اسولف معاه واضحك لكن مشكلتي مجرد مانرضى حيل اسولف لدرجه يمكن انفخ راسه من السوالف من الطفش لان محد حولي اهلي بعاد عني
المهم اليوم كذلك سوالف ومزح ويلعب بشعري وهو يضحك قالي تعالي او بشده ومن جد شد شعري ضحكت لكن بعدها من جد شده بقوه زعلت وصديت عنه وشدني مره ثانيه من جد تألمت انقهرت ع حركته ابيه يشيل يده ولاشيء من القهر مديت يدي وسطرته بس مب بقوه انقهر ليه تمدين يدج علي هذا ال ناقص مد يده وبجية بنتي عمرها3سنوات وكم شهر قالي صدقيني هالمرا برفع يدي عليج ويكون في موقف حساس قدام خواتج او اخوانج قلت له سلامات تشد شعري واضل ساكته عليك قال انا مزح قلت له شالمزح ال يخليك تسوي فيني كذا المهم قالي بالعناد اسطرج قدام بنتج بعد وصج سطرني انقهرت وصحت قال بتزعلين بكيفج
بلحظه حسيت اني من قلب كرهته
خصوصا اني قبلها بشويات اسولف واضحك واقوله ترى ع قد ماتعامل المراه تعاملك والمراه كلام الحب يحييها لان كلام حب بينا ميح بس بداية الزواج يتغزل
والله احيانا احس بغصه ومغبونه اقول توفت امي الله يرحمها تمنيت احس بحنان زوجي يطبطب علي بتعبي وزعلي لكن حدي معاه فراش واكل
المهم قلت له قوم نزلني بيت اهلي لاتحط بعقلك اني ماعندي سند انا ماني من الشارع مشان ترفع يدك علي بالبدايه حسيت ايزي معه لو رحت بس وقت قلت له خل يعرفونك اهلي ع حقيقتك
وقلت له بكلم اخوي ينزلني قال مب كيفج ولاتعدين بس سويت فيها اني اكلم اختي واقولها وانا اساسا ماجرأ اني اتكلم بهالمشاكل يمها بس الان اهو نام بالصاله وانا بالغرفه مابي احط لساني ع لسانه ابد
وال قهرني ان تجيني وحده من اهل زوجي تقول ان اهله يتكلمون فيني ان زوجي مايطلع الا بي وين ماروح معاه واهو اساسا كل شيء تغير انا وياه دايم مشاكل وسبحان الله من امدحه او انطقه يم احد نتهاوش كرهت حياتي