ماتت نوره ..

كيفكم بنات يارب تكونو بخير


انا اكتبلكم وقلبي موجوع ماتتخيلون وش كثر يوم الثلاثاء الماضي توفت صديقتي
يالله يابنات احس راحت بلمح البصر كانت معانا وتسولف وتضحك وترسل بيسيهات
ومابها شي عايشه حياتها ومبسوطه توها فرحانه ببنتها ان زوجها ردها لها لانهم مطلقين
تعبت وغيرت حالتها في البيبي كتبت اللهم لا تقبض روحي الا وانت راضي عنها
ذا قبل ماتتوفى بيومين وارسلت :

قد يأتي الموت فجأه ويخطف انفاسي
لتلك الحفرة المظلمة
ف أعتذر
إلى كل من اسات اليه
أعتذر
الى من كنت سببا لحزنه

+ ليس مجرد برودكاست انا فلا اعتذر



وذا كان اخر شي منها .. يوم الثلاثاء الظهر تقريبا كنت بمكتبي وخلاص اخر الدوام
الا وتجيني بنق بنق ع جواالي طنشت قلت اخلص الي بيدي اول ويوم فتحت حسيت جسمي كله ثلج
ونار بنفس الوقت لقيت صديقتي كاتبتلي نونه نونه وينك يانونه كتبتلها وشفيه يامجنونه انا بالعمل
قالت لي نوره .. توفت نوره

حسيت كل شي حولي توقف مو عارفه اقوم اجلس اصيح اضحك
طيب متى وليه وكيف
نوره كانت اخر وحده باقيه في قروبنا السنه الي راحت توفو 3 وكانت نوره الباقيه فيهم
ناس عشنا ونمنا واكلنا وشربنا معهم قضينا مو يوم ولا اثنين ولا ثلاث
قضينا سنين كلهم راحوا كلهم مابقي منهم احد

لاهيين احنا يابنات لا هييييييين لازم نفوق ع نفسنا لازم
الموت يجي فجأه امس نوره كان البيبي حقها من اونس البيسيهات
والحين لا فتحت على البيرسونال الاقي مكتوب الي له شي عند نوره يدق على اختها على الرقم .........

من كم يوم نوره البيسيهات حقتها انا خارجه ووينكم يابنات ووووووووووو
واليوم اخر بيسيه مكتوب خاله نوره امس توفت ادعولها بالمغفره والرحمه .. واتسكر الجوال

ومعه راحت قطعه من قلوبنا كلنا .. يارب ارحمها برحمتك يارب
ادعولها بالرحمه والمغفره وادعوا لبنتها وقره عينها ان ربي يحميها ويجبرها الاي لسى مالحقت تشبع من حضن امها ..

اللهم ارحم موتانا وموتى المسلمين
وارحمنا إذا صرنا إلى ما صاروا إليه
آمين