ماتحط عينها بعيني

السلام عليكم ورحمة الله وبركاته
كيفكم ان شاءالله طيبين..
ياجماعه الخير ف موضوع محيرني جداً جداً يمكن تشوفونه تافه بس ابي اعرف السبب🤓
المهم اعرف لكم وحده وهي تعرفني كويس الآدميه ماتحط عينها بعيني ابداً ابداً وتصرفاتها كانها تتهرب او تتوتر مني استغربت منها مرره بذكر لكم مواقف..

لاحظت اكثر من مره كانها تتوتر مني او تتحاشاني مع اني ماقلت شي ولاني مسويه حاجه ،، مثل ف يوم كنا بعزيمه وكانت تصب لنا القهوه وتعطينا كانت تعطي الكل طبيعي يوم جت تعطيني كأنها متوتره وتبعد عني يعني واقفه شوي بعيد وتناولني الفنجان كأنها طايره بجسمها عني بعيد يارب فهمتوا قصدي استغربت قلت يمكن متوتره من شي...
لكن الاحظ بعد لمن نجلس كلنا وتسولف لنا تناظر الكل يعني هي عندها تواصل بصري مو من النوع الي يخجل او يتوتر منه بالعكس ماشاءالله عليها بس انا ماتناظرني نهائي او تناظر بطرف عينها يعني تسترق النظر لي فقط
حتى مرات اكون ع الجوال هي تكون تطالعني وبس انتبه لها بسرعه تتوتر وتشيل عيونها!!!

اخر موقف حصل اليوم استغربت مرره قابلتها وكانت تناظرني واول ما انتبهت لها طالعت بالارض

انا نيتي كانت اسلم عليها بس يوم شفتها سوت كذا تراجعت😶‍🌫️..

كنت اقول يمكن ماترتاح لي او شي لكن ف يوم حصل موقف واكتشفت عكس هذا تماماً بالعكس ترتاح ومنتبهه لي ولكن ما اعرف سر تصرفها
حاولت اطالع فيها عشان اشوف هل بترد النظر لي كانت تناظرني من جنب بس وتشيلها بسرعه!

انا عاد احب الي يتواصل بصرياً احس عقله معي ويسمعني😅... عاد قولوا لي وش رايكم انتوا؟؟