ماتحملي 😔💔

سلام
انا متزوجه صار لي سنه متزوجه وبدون اطفال لما رحت حللت قالت لي ماعندك تبويض ابداً يعني مستحيل يصير حمل 💔 الحمدلله تقبلت الامر وباقي عندي امل بربي ومالي بكلام البشر الحمدلله الحمدلله حتى زوجي منصدم من ردة فعلي لاني انسانه قويه عادي عايشه حياتي بالطول والعرض الدنيا فانيه ومافيه سي يستاهل نضيق خلقنا فيه بس في شي مكدر علي 💔 اني كل ماسويت شي لزوجي اقول بقلبي لا تبالغي ترى بعدين بيتزوج عليك كل ماتكلمو اهله عنه مو قادره امدحه اقول برضو لا تبالغي بعدين يتزوج تعبت تعبت بصور مثلاً شي جابه لي اقول مو حلوه تصوري وتكتبي عنه وبعدين قدام الناس يتزوج وش بيكون وجهك قدامهم ؟ مع انه مره مره كويس معاي الحمدلله ربي ياخذ ويعطي وذا الشي اللي مريحني انه جداً ككووويسسس الله يحفظه بس نفسي اعيش حياتي طبيعي ومافكر بالمستقبل انا انسانه واقعيه لما قالت لي الدكتوره كذا طبعاً مابظلمه من بين النقاش قلت له ماراح احرمك من الخلفه انتظر اعطيني فرصه اعالج نفسي عند حريم وطبعاً بالدعاء والرقيه لان فيني حسد وقاعده اتعالج اللحين واثار العلاج قاعد يوضح علي والحمدلله مستمره على الوتر والاستغفار والحوقله وعندي امل بربي فاقلت له اصبر علي ماتدري وش يصير واذا ٥ سنين او ٤ ماصار حمل ماراح اوقف بطريقك واحرمك من ذا الشي هو سكت المهم كيف اشيل فكرة زواج الثانيه من راسي 💔 احس اتخيل احيانن وحده تشاركني معاه اتنكد وشوي وابكي مقدر اقعد اقول معقوله طلعاتي وروحاتي اللحين الحالنا بعدين تصير محسوبه علي ! ولما اتذكر اتضضضضايق واحيانن اقول معقوله بعدين اقعد بالبيت لوحدي وهو نايم عندها وانا مافيه طفل يونسني بالبيت لحالي مقابله الجدر ارجع امممموت قهر والفكره اقول يعني لما تجيب له اطفال بيطير فيها والله بينساني مابغى اتعلق فيه وانكسر وابدأ بقلبي ابتعد عنه حتى هو يشك وش فيني متغيره وانا مابغى اعلق نفسي فيه 💔 والله تعبت من التفكير كل شي افكر بالثانيه اذا صار ذا الشي وابدأ اتضايقققققق بتصير هي ام عياله ويبديها علي بكل شي خلاص بس اتذكر اتضايق واكره حياتي الزوجيه مع اني سعيده 😔 الكل يتمنى عيشتي فيه بنات عندهم اطفال ومو سعيدات مثلي ماشاء الله بس احس خايفه من انه ينساني لو تزوج وجاه اطفال ويصير يبديها بكل شي مع انه انسان مره يخاف من ربي مره ويخاف من الظلم بس برضو خايفه كيف اشيل اوهام المستقبل لان الواحد مايدري وش يصير بكره 💔 عالتفكير مخرب علي سعادتي 😔