بعد تردد كثير منى اخذت الاب توب وقررت اكتب لكم معاناتي وانا اللى كنت في يوم اساعد في حل المشاكل وماتخيلت لحظه انى بمر بهذا الموقف او انى بعرض مشكلتى هنا لكن اللى خلانى اتشجع انه راح تكون اخر مشاركة لى هنا ويااخواتى كل اللى بتقرونه الحين والله العظيم حقيقي وابيكم تحكمون اذا انا غلطان والا لا وتاكدو والله انى مازدت كلمة علشان استجدى عواطفكم او انحيازكم لى يمكن اللى متابع عالم حواء الرهيب بيحس ان لى تقريبا 4 شهور مادخلت المنتدى والسبب الظروف اللى امر فيها وراح اكتب لكم مشكلتى واننتو بيديكم ومشورتكم يمكن تفيدونى لو كنت غلطان

البدايه:

تزوجت زوجتى عن حب عظيم كانت التضحيه من الجانبين كبيره حتى ولله الحمد تزوجنا وتعارفنا على بعض في احد السفرات ولما رجعنا تقدمت لها وتزوجتها وهي انسانه عاقله وفاهمه وثقيله وجميله ولا ينقصها شي ماشاء الله عشنا اجمل ايام بعد الزواج وانجبت بنتى الاؤلى في بداية زواجنا كان هناك عدم ارتياح من امى بسبب انها حاطه في بالها انسانه معينه لى ورغم كذا وقفت مع زوجتى وبنفس الوقت ارضيت امي ورفضت كل عروض امي للزواج مرة ثانيه على زوجتى وحتى لما طلعت اشاعه لزوجتى انى خطبت عليها لما كنت اسافر لاامي لوحدي بحكم عدم رغبة امي بدخول زوجتى لمنزلها اخذت رساله وكتبتها لها ووقعتها بكلمة احبك مكتوبه بدمى حتى تعرف انها الهواء اللى اتنفس فيه ومرت الايام وضحيت بااشياء كنت اتمناها المهم انها تكون سعيده كنت احب لما تشوف شي في الجريده او المجله او حتى التلفزيون ان اشتريه ثانى يوم واهديها لها كنت اساعادها في عمل البيت وحتى لما قالت بطبخ رفضت قلت لها نجيب خدامه بس لاتقربين المطبخ لما تزعل كنت اراضيها بالورد كنت ارفض تنام وفي خاطرها شي مرت لقناعتى انه لو تمر ليلة على زعلنا يمكن يطول كانت تنام الظهر واجلس مع الاطفال حتى لاتنزعج وانا بطبعى احب البر والسفر كنت اخذها للبر واطبخ طبخات العزوبيه كنت سعيد بحياتي معها اهم شي تكون سعيده لاانها بصراحه كانت تبادلنى نفس الشعور وتحرص على رضائي كنت دائما ومن اول يوم لزواجنا اغصبها على زيارة اهلها وبشكل يومي حتى لا يحسون اهلها انى اخذتها منهم ومرت احلى الايام علينا حتى فجاة ظهرت في حياتنا زميلة لها وعرضت عليها تكمل دراستها العليا وقتها فرحت وشجعتها وبدت تدرس وبدت تتغير صارت عصبيه اهملت البيت والاولاد حاولت اساعادها بكل مااقدر صرت مربية اطفال درجة اولى في البيت وهي تذاكر داخل الغرفه على كل شي ووقفت معها ر غم تغيرها حتى قطعت شوط كبير ولله الحمد في دراستها لكن مع الاسف ظهرت زميلتها ثانيه في حياتنا بعد ماهدت الامور وبدت زوجتى ترجع لوضعها الطبيعي وسعادتنا بدت ترجع لنا ظهرت علشان تعرض عليها عمل ادارى في احد الجامعات لكن كان مشكلته الاختلاط الغير مباشر بالرجال من خلال الاتصال بالتلفون او الجوال لااداء العمل لاان طبيعة العمل تتطلب هذا الشي هنا انا رفضت وبشده وقلت لها انت امام مفترق طرق يا تضلين بعملك الاؤل او ترىحياتنا بتتغير الى الاسوى كل شي له حدود انا احبك واغار عليك من نسمة الهواء كيف ارضى عليك تخاطبين رجال مهما كانت الظروف حاولت تقنعنى باانها لن ترد على اي اتصال من قبل ادارة الرجال وانها بتحاول قدر الامكان عدم الرد عليهم وانها فرصه لها هذا العمل بيخليها تتطور وانا طبعا رفضت وبعنف لدرجة ماصرت انام الليل صرت سرحان على طول تغير حالى حتى وزنى نزل هى مازلت تحاول تقنعنى بالعمل لكن صدمتى الكبيره هي اصراراها عليه رغم رفضى واصرارها تضحى بااحلى ايام نقضيها مع بعض كل يوم ترجع فيه بعد الدوام مضى على هذا الحال 4 شهور تقريبا حاولت افهمها ان حياتنا حلوه العصر نجلس مع بعض الليل نطلع نتمشى واحيانا نتفرج على المحطات ونعلق على كل شي يجي فيها قعدتنا سوى طلعتنا سوى مافيه فايده قلت لها يمكن جلوسى في البيت اللى مايعتبر كثير نوعا ما السبب اللى خلاك تبين تغيرين نمط حياتك رفضت قالت لا ابي اطور نفسي لدرجة انها قالت لى اذا تبي تزوج ثانيه وانا رفضت الفكرة نهائيا وقلت لها لو تحبيني صحيح مافكرتي بكذا قالت والله لااني احبك بغيت انك تكون سعيد بااي شكل قالت يمكن اللى شاد اعصابك هذا السبب انى مهمله الجانب الخصوصى هالايام قلت لها لا طبعا انا احبيت روحك قبل جسدك مااحب اطول عليكم بترك لكم الحكم مع العلم ان زوجتى عملها مدرسة حاليا وانا خيرتها بين عملها القديم او الله يسهل عليها لااننا صرنا في مفترق طرق

.............................................................................................................