ماشاء الله اللهم لا حسد الله يصلح زوجي ويصير نص واحد زيك

شوف ياخوي انا ادرس دراسات عليا واعمل في الجامعه...ولله الحمد تزوجت عن حب واعيش الله لايضرني وزوجي في حب وسعاده...

اي اختلاط تتكلم عنه؟؟؟؟المرأه اللي تحفظ نفسها ماحد يأثر فيها...ابي اعرف زوجتك ماقد كلمت الاستعلاامات؟؟؟ماقد دقت تاخذ موعد بمستشفى؟؟؟ماقد زارت طبيب لضروره؟؟؟ماقد راحت السوق؟؟؟هنا الاختلاط أكبر السوووووووووووووووووووووق

في الجامعه الحديث مقتضب كلمه ورد غطاها المكان مكان عمل ومافي مجال للاخذ والرد ... على فكره حتى بالمدارس يدقون الرجال مابين مدير تعليم او سكرتيره او ..او ..او الى ولي الامر

الدراسه اثبات ذات وحريه شخصيه والعمل اثبات ذات وحريه شخصيه وانت تحاول فرض رايك عليها ولاتتوقع انك لمن تهددها بالطلاق بتختارك لااااااااا انت كذا تتحداها والحرمه ماترضى بالتحدي خذها مني...

اذا تبيها عاملها بالين وبترجعلك اقنعها وتقنعك ....

عندي سؤال بصراحه احسه واقف بحلقي غصب بيطلع...تقول تزوجتو عن حب؟؟؟؟؟؟؟؟؟؟ تعرفتو على بعض بسفر؟؟؟؟؟؟؟؟؟؟؟؟ توها تطلع الغيره؟؟؟؟؟؟؟؟

ليش التناقض اتق الله يارجل واحفظ اهلك وبيتك وعايلتك ومع احترامي كرامتك من كرامت زوجتك انت الحين حل مشاكل زوجتك مع اهلك وبعدين فكر بوظيفتها.... ولا الاختلاط بالتلفون اهم من كون امك واهلك رافضين زوجتك؟؟؟؟

بنات والله كلامي فعلا جاف وماعندي اسلوب :(
انا اتخيل ان زووجي يسوي كذا وانقهر وبعدين ارد وانا منفعله
اعذروني ....
حطوا نفسكم مكان زوجته يالمتزوجات ترضون ازواجكم يشاركون في منتديات معروف انها نسائيه وبعد يستشير الحريم الي في المنتدى عن قضايا خاصه فيك اننتي وزوجك؟؟؟
بنات انا اعيش قصصكم بكل مشاعري والله يضيق صدري بالمره اذا سمعت قصة وحده من اخواتي وافكر فيها اذا سكرت النت

راسيل حياتي انا اسفه اعذريني...

وبعدين الي قالت انتي ماتحبين مواضيع الرجال اقولها عزيزتي قبل ما كان فيه حدود وكانت سبهلله وشات اما الحين فيه قوانين الي يتعداها يتم الابلاغ عنه

وعزيزتي نويره شكرا لك حياتي

اخوي في البدايه الله يفرج كربك ويجلى همك ويريح بالك ويسعدخاطرك ويسخرلك مرتك ويسخرك لها

من 3 سنوات اعترتني فرحة التخرج والزهو بالنفس والحب بالإستقلالية من خلال العمل وتكوين الذات

ولا زلت أطمح بذلك إلى اليوم لكن الوضع اختلف فـ في السابق كانت طموحاتي أكبر وأعظم

بل يمكن تسميتها مجنونه نوعاً ما

كانت ماخذتني فرحة التخرج وكل مننا تفكر وين بتشتغل إذا تخرجت

خوياتي قرروا يدخلون أرامكو ذاك المجتمع الغامض بالنسبة لنا

لا أنكر إني كنت أتمنى أن أنضم إليهم وأحذو حذوهم

حاولت أقنع أبوي مراراً وتكراراً إنه يسمح لي أنضم لهم وقدمت أوراقي وكل شي معتمد

بس باقي موافقة ولي الأمر !

توقيع صغير من أبوي وأعتمد موظفة في أرامكو وراتب مغري جداً جداً جداً

لدرجة بديت أخطط بالمبالغ الي راح أستلمها وين أصرفها وكيف أستغلها

لكن أبوي وقف بوجهي ورفض رفضاً قاطعاً هالوظيفة وقال بعبارة بسيطة :

إنتي عهده في يدي وبذمتي لين الله يرزقك ولد الحلال وتصيرين بـ ذمته

مضت 3 سنوات على هذا الحلم .. وكم أشعر بالسخف لمجرد التفكير فيه الآن

لأني أنظر لوضع زميلاتي الآن ... الأفكار تغيرت وأصبح التخاطب للرجال بالنسبة لهن أمر عادي

والسفر لوحدهن عادي جداً - الذهاب للتسوق لوحدهن عادي جداً وفي أي وقت

في أوقات البريك يذهبن إلى المجمعات عادي جداً

أصبح مجتمعهم متحرر لدرجة إن المراه تستهل التخاطب مع الرجال بل تعتبره من أولوية العمل

لكن عندما أسترجع سخافاتي السابقه أحمد الله وأشكره أن والدي لم يسمحلي بالإنضمام إليهن

ولم يفرط فيني كـ باقي الفتيات فهن يتعرضن الآن لأمور لا يمكنهن الإفصاح عنها لذويهن

خوفاً من الخروج من هذا العالم

فـ سبحان الله لكل شيء معيار وميزان معين ومتى اختلط الرجال بالنساء كثرت المشاكل والمصائب

أخي العزيز أثني عليك محافظتك لزوجتك .. ولا تدع طموحها ورغبتها في تكوين ذاتها أن تنسيها واجباتها نحوك

فـ الزوج يطاع إلا في معصية الخالف ولو فرض الله عباده لمخلوق لـ فرضها على الزوج لما له من فضل وأهميه في حياة زوجته

تمسك بقراراك أثابك الله فـ لو لم تكن واثقه كل الثقه أنك تحبها وبجنون لما طلبت منك الزواج بآخرى

ولما وقفت بكل هذه القوه تجاه رفضك لوظيفتها الجديده

فرج الله كربك ورزقك ماتتمنى

أختك

اللهم فرج كرباتنا..وانسنا في اوطاننا

ولاتسلط علينا من لايخافك فينا ولايرحمنا

الله اني اسالك بكل اسم هو لك

ان تهدي شباب المسلمين لما تحب وترضي

وان ترزقنا خلفا صالحا يعبدك ويمجدك

وان ترزق كل منتظرة زوجا صالحا مثل اخينا

وان توفق بينهما الى ماينجيهما من عذابك