ماتشليش هم الشعر اللي بيطلع تحت الجلد تاني ابدااااااااااااااااا.....ادخلي بسرعة

قريت كتير عن المشكلة اللي بتواجه كتير من بنات حواء عند ازالة الشعر الزائد وهي الشعر اللي بيطلع تحت الجلد خصوصا مع البنات اللي بتستعمل السيلكابيل
ولاني من زماااااااااااااااان نفسي افيد بنات منتدى عالم حواء زي ما استفدت منهم كتير بس للاسف مش عارفة لاني كسلانة ومش باعمل ولا باجرب وصفات كتير واذا جربت مش باستمر لذلك مش قادرة افيدهم بوصفة ولا باي حاجة لاني ما اقدرش انقل لحد وصفة الا لما اكون مجرباها وجابت معايا نتيجة حلوة ومتأكدة انها مش ممكن تضر لاني ما اقدرش استحمل اني اشيل ذنب بسبب ضرر ممكن اكون والعياذ بالله سبب فيه من قريب او من بعيد
وغاية اوي انا عارفة وباحب المقدمات والشرح الممل
بس خلاص ان شاء الله اكتب لكم الحل حالا للشعر الزايد اللي بيطلع تحت الجلد لاني مجربة الطريقة دي من زمان والله يجازيها كل خير اللي نصحتني بيها
قبل ازالة الشعر الزايد ساي طريقة من الطرق اللي بترتاحي ليها
ادخلي الحمام ورغي الصابون على المنطقة اللي عايزة تشيلي منها الشعر الزايد و بالحجر الاسود (( اكيد كلكم عارفينه )) تمشي بيه على المكان رايح جاي زي ما بتستعمليه للكعوب والصابون طبعا بيقلل من شعورك بالم الحجر وكمان بيمنع ان الحجر يجرح جلدك بعد كده اغسلي المكان كويس وجففيه بالمنشفة وبصي كويس هتلاقي كي الشعر اللي كان تحت الجلد طلع وبان وعليه الامان وابدأي ف ازالة الشعر باي طريقة تحبيها
ارجو اكون افدتكوا بعد الخطبة الطويلة اللي كتبتها واللي كانت ممكن تتلخص ف سطر:hahaha:
بس ماعلش طبعي يعني واللا هاشتريه؟؟!!! انا كده احب النطام وادق ادق التفاصيل اهتم بيها
يارب اقدر ارجعلكوا قريب بموضوع تاني جديد واقدر افيد بيه كل بنات حواء القمراااااااااااات