حبياااتي الحلوات ..
كثير يشكون من اللقيمات وانها ماتضبط معاهم ..:(
هذا شي جدا طبيعي ..
لانو اللقيمات لها اساسيات خاصه فيها جدا ..
اذا ماتبعتيها ماراح تنجح معاك ابدا ابدا :angry:
1- الدقيق مايكون كويتي لازم يكون اي نوع ثاني لانه مخصص للكيك فقط !!
وليس للمعجنات ولا اللقيمات ولا الجبنيه ...الخ
2-الزيت يكون زيت ثقيل يامازولا او عافيه ..
3-حرارته تكون متوسطه !! لاحار يحرق اللقيمات وهي مااستوت ولا بارد يبطط لي اللقيمات اسفل الصينيه وتشرب الزيت :icon33:
4-اول ماتبدين تلقيمن علي النار ع الزيت واول ماتخلصين اول دور وطي النار وابدي بالتقليب بهدووووووووووووووء
الين تتحمر واصبري عليها لا تستعجلين ..
اتبعي المقادير والطريقه وباذن الله راح تصومين رمضان وانتي مبسوووووطه ..
باحلااا لقيماااااااااات ...
في زبديه ...
1ونصف دقيق ابيض
كوب واحد ماء دافي
نصف بيالة زيت
فنجال سكر
رشة ملح
ملعقة كبيره مو مليانه خميره فوريه
ملعقه كبيره نشاء
اخلطي المويه مع السكر مع الخميره الين يذوبون في بعض ..
بعدها اضيفي باقي المقادير ...
بتكون اثقل من خليط الكيك بشوي ..
استمري بعجنها مده طويله عشر دقايق تقريبا
انا اعجن شوي وارتاح اعجن وارتاح الين تحسين ان قوام العجين تغير معاك وصار انعم ..<<<وهذا من اساسياتها برضوا ..
اذا ماعجنتيها مضبوط من الافضل انك ماتغامرين وتسوينها ...!!
اتركيها ترتاح مده ساعه كامله ...
في الخلاط ..
بيضه
2 ملعقه كبيره حليب ..
لون اصفر السايل نقاط بيسطه
رشة فانيلا ..
اخلطيهم مضبووط واضيفيهم للعجين واستمري في العجن حتى يصير عندك عجين ناعم اثقل من خليط الكيك ..
اتركيها ترتاح نصف ساعه ..
وابدي حمي زيتك وجهزي اغراضك من مصفاة وو ررق زيت ..
وابدي لقمي وانتي باذن الله مبسوطه ..
اذا خلصت حطي عليها عسل او دبس التمر او شيره ...
واستمتعي بها ولاتنسيني من دعواااااتك الطيبه ...:)
متجر ام عبدالرحمن @mtgr_am_aabdalrhmn
كبيرة محررات
ماتضط معاك اللقيمات ...لاتزعلين ولا تحتارين ..مع لقيمات ام عبدالرحمن ..
146
38K
يلزم عليك تسجيل الدخول أولًا لكتابة تعليق.
تسلمين حبيبتي
بس الدقيق الكويتي حلو انا اسوي اللقيمات به والله خيااااااال والكل يسألني عنها
والشي الثاني جربي عجينة اللقيمات بالزبادي والنشا تطلع روعة وماتشرب زيت
يعطيك العافية
بس الدقيق الكويتي حلو انا اسوي اللقيمات به والله خيااااااال والكل يسألني عنها
والشي الثاني جربي عجينة اللقيمات بالزبادي والنشا تطلع روعة وماتشرب زيت
يعطيك العافية
الصفحة الأخيرة
تسلم الأيادي يارب