السلام عليكم
بكتب تجربتي في الغربة واللي امتدت حوالي السنة صحيح مو طويلة بس استفدت اشياء واحاول الحين اطبقها.
وراح اكتبها على شكل نقاط وهي متداخلة مع بعضها يعني من جميع الجوانب.
1-شعرت هناك بقيمة الاسلام وعظمته وافتقدت صوت الاذان بشكل كبير.
2- حسيت بطعم القران وما ازكي نفسي واقول اني كنت مررة عابدة بس فعلا القران معجزة .سورة البقرة وما ذكرته عن حال اليهود والنصارى وكيف نظرتهم لنا.يكفي الاية(ولن ترضى عنك اليهود والنصارى حتى تتبع ملتهم) كأن الاية توها نازلة على واقعنا ومانراها من امريكا ودعمها لاسرائيل يكفي.
3- بس للامانة في عوائل نصرانية يعني عندها نسبة تدين ما زالت تحترمنا كمسلمين ومن ضمنهم جارتي نصرانية من اصول دول الاتحاد الروسي اللي اضطهدوا وهاجروا لاستراليا وكانت تحترم حجابي حتى اذا زرتها تقول لزوجها لايجي للبيت عشاني عندها.(الله يهديها للاسلام ) كانت رائعة هي وبناتها وامها وزوجها مرة محترم .
4- نظام الاسرة منحل تماما ماعدا الاسر المتدينة واللي كانت جارتي منهم تشوفين امها واختها وابوها يزورونها يعني محافظين.
5-وباقي الحياة مادية بحتة وهذا فعلا متعب لنا كشعوب مسلمة تهتم بالكبير والصغير ,تشوفين في المراكز الصحية عجايز والله لو احلف بكبر جداتنا لوحدتهم يراجعون واذا زادوا كان معها شايب مثلها وحنا العجوز نقدرها.وكل يصرف من جيبته واقرب لكم تخيلوا امهاتنا ربات البيوت واللي كبروا وربوا تبحث عن مصروفها يعني تحلم تاخذ من زوجها او ولدها او بنتها واحنا الام معززة مكرمة تامر وتنهى وتتشرهه على بناته وزوجات عيالها , فمين اللي اخذت حقوقها احنا ولا هن.طبعا مازال عندنا تحجر في بعض المفاهيم بس مو السبب الاسم السبب احنا اللي طبقناه غلط.
6-زرت زوجة زميل زوجي (طويله عاد افهموها) في المستشفى مسوية عملية واول مرة اتعرف عليها (الله يذكرها بالخير ويرزقها) كانت تقول ان اللي في المنومات معها في الغرفة ما احد يجيوهم الاوحد شايبها يجيها والثانية جاها ولد فقط .وحنا اللي داخلة واللي طالعة من عندها .يقول زوجها الممرضات هذولا قرابيكم قال اصدقاء وبعضهم اول مرة نشوفهم.
هناك ابتعدت بشكل كبير عن الغيبة والنميمة وسواليف الحريم اللي ماتنتهي فانعكس ايجابيا على حياتي تعلمت بعد ان اهم شي بيتي وزوجي واطفالي ما يمنع انك تقدمين الواجب للناس بس لا ياخذ تفكيرك واهتمامك لان ارضاء الناس غاية لاتدرك.
7-طبعا عندهم اشياء حلوة مثلا ياخذون اللي يكغيهم ويحتاجونه مو مثلا اسرررراف وكمان رغم ان عندهم عملية تدوير للبلاستيك وخلافه ياخون اكياس للتسوق مثل اللي في السوق ولما نحاسب يفرغونها هم تصير تخصم وكلما راح للسوق ياخذها واذا بتاخذ اكياس زيادة تدفع.وعرفت نوعية الصابون السائل للملابس وهنا اشتريت واحد امريكي ماله ريحة قوية تسبب حساسية
وشكرا:39:
يلزم عليك تسجيل الدخول أولًا لكتابة تعليق.
الصفحة الأخيرة
يكفي الإبتعآد عن الغيبه والنميمه ..
أعجبتني البسآطـــه في الشعب البريطآني .. مآ’ تهمهم المظآهر .. مدير إحدى الفنـآآدق الكبرى يملك سيكل مآعنده سيآرهـ مو بخل بس لأنه مآيحتـآجهـآآ !
رأيت تعـآآليم الأسلآم تطبق عندهم ~ أخلآق مسلمين !!