ماتلاحظون معي أن الناس صاروا نوعين....حتى في عالم حواء

في نهاية الأسبوع اللي فات
طلعنا مع مجموعة كبيرة من الأقارب(حوالي ثلاثين امرأة وبنت غير الأطفال والرجال والخادمات)
مدة ثلاث أيام
وكانت الطلعة تجنن
بس لاحظت لما نجلس نسولف
يكون مجموعة صغيرة هم المسيطيرين على المجلس(حوالي أربع بنات)
والباقين يسمعونهم
واذا بغى شخص ثاني يتكلم
لازم يحاول يلفت انتباهم
حتى لو كان الباقين ملتفتين يمه
محد يتكلم الا اذا سمعوه هالمجموعة
وكأن الباقين مو مهمين
والله أحيانا يميلون على بعض ويتشاورون والجميع يناظرهم وساكت والأغلب مبتسمين
وكأنهم مسحورين بهالمجموعة
ولما حاولت أشوف وش ميز هذول المجموعة
اكتشفت انهم مو شرط يقولون كلام مهم أو عليه القيمة
بالعكس أحيانا يكونون تافهين جدا جدا
لكن اللي ميزهم انهم يحبون المزح والتعليق على بعض
فيضيع الوقت والجميع يناظرهم ويسمعهم وهم يمزحون على بعض ويستهزئون في بعض
والواحد صار يخاف انه يتكلم بشي مايعجبهم
لأنهم ممكن يحطونك مسخرة المجلس
ولا ينسون النكتة اللي يحطونها في الناس
ويصيرون يذكرون الواحد فيها دائما
فصار اللي ماعنده قدرة على مجاراتهم في مسخرتهم
يسكت خوفا من أن يكون محل هذي المسخرة ومايقدر يرد

بس فعلا انه شي يقهر لما الناس العاقلين اللي عندهم كلام مفيد أو على الأقل مؤدب
ماينسمع لهم
ولازم تغيرين من شخصيتك عشان ترضينهم(أقصد المجموعة الصغيرة)


وألاحظ أن هذا الشي يصير في عالم حواء
مع احترامي للجميع
فأنا ألاحظ أن فيه أخوات رغم أنهم قمة في العقلية
وفاهمات
وردورهم للبنات تنم عن فهم للحياة
وأنا شخصيا أعجب بردودهم وأدورها
الا انهم يضيعون الوقت أحيانا في مزح ماله داعي
وأحيانا يخربون مواضيع البنات الثانين ويزيدون الصفحات على مهاترات مالها داعي
واللي يبي يحل المشكلة أو على الأقل يتفاعل مع صاحبتها
يمل من كثر الصفحات اللي مالها داعي
ومن رأيي اذا كنتوا تبون تمزحون وتضيعون وقت عندكم الترفيهية
ألعبوا فيها لين تقولون بس


هل تلاحظون هالشي مثلي؟؟؟
سواء في الحياة العادية أو على النت؟؟
ووش الحل؟؟
لأني عجزت وأنا أنبه الجميع(أقصد في الطلعة)ليش لازم فلانة وفلانة يلتفتون يمكم عشان تتكلمون؟؟
ولا أحد قادر يتخلص من سيطرتهم؟؟
وكأن جميع الجالسين ما يهم رايهم؟؟


أبي تفاعل في مناقشة هالموضوع
وياليت محد يزعل علي
لأني والله يشهد أحبكم كلكم
بس حبيت أنبهكم عشان تقدرون الآخرين