قريت موضوعك ماحبيت اطلع الاوانا رادة عليك..انا مجرد ابدي رائيي بس موملزومة تمشي فية..احس موضوع الطلاق صعب شوي.. انا طبع متزوجة من خمس سنين وحملت بعد زواجي بتسع شهور والله ماكتب سقطت.. وطبعا كانت فرص الحمل اسهل بعد ماسقطت بس زوجي كان معرض لان نفسيتي تعبت مع التسقيط فماحب نعيد التجربة مرة ثانية لاني كتمت في قلبي حتى قدام اهلي واهلة مانزلت دمعه واحدة ماابي احس بضعف قدامهم فاثرت على نفسيتي..ومن بعدها للحين مافي حمل وعندي كسل غدة.وتكيس ودورتي متقطعه..وجالسة اراجع في المستشفيات بس زوجي نفس زوجك من ناحية لما اروح الدكتور وارجع مايسالني وش صار احسة مو مهتم..واوقات افكر بايجابية اقول يمكن مايبي يجرحني او يحسسني انه مهتم بموضوع العيال.. وانا تعبت من نظرات الناس وتلميحات حتى من المقربين.بس انا بطبعي مااعطي لاحد مجال انه يتجرأ ويسالني وماابين لاحد اني متلهفة للعيا لان كل شي ولا نظرة الشفقة من الناس لانها تذبحني..انا اذكر ان اختة مرة سالتني مافي شي في الطريق طبعا ماعجبني سوالها لان لو اعطيها مجال كل فترة بتسالني فكان ردي لها اننا مانفكر في العيال هالفترة واننا نمتنع عن الحمل عشان نبي نتهنى شوي..من بعدها مافكرت تسالني بالمرة..ربي يرزقك ويرزقني يارب..وكل محروم مع اذان الفجر ربي يحقق امانينا..

صراحه اهنيك على عقلانيتك وطموحك ومداراتك للامور

الله يحفظك وييسر امرك ويرزقك ماتتمنين

عمري انتي.
قريت كل مشكلتك. و باين انك تحبين الاطفال واجد. و عيوب زوجك كبيرة يكفي عدم وقفته و تهربه من العمليات و تركه لك بلحالك في ظروف صعبه سببها بعد الله هو.اللي مثله المفروض يحطك ع كفوف الراحة و يعالج دايم و يتفقدك وقت التعب و التنويم بالمستشفى بعد عمليات التلقيح مو يلقيك ظهره و يمشي. طبعا العقم من ربي و انتي مو مطالبة توقفين معاه هذا حق لك انك تحصلين ع اطفال تفرحين فيهم بدنياك و يكونون لك سند
غير أمه اللي تتدخل بحياتك و منكده عليك و لارحمتك حتى لما عرفت بعقم ولدها.
انا و الله حطيت نفسي في مكانك. عمر المرأه الانجابي قصير و كل ماكبرت قلت الخصوبه و التعب و عمليات التلقيح تقلل الخصوبه.
شوفي روحك يختي دوري نصيبك الله يرزقك بالذريه و يرزقه باللي تجيب له عيال.
الرجال مايضره شي يطلق من هنا و يتزوج من هنا غير المرة اللي اذا جلست سنوات و راح مرها هدر قلت فرصها في الزواج من واحد سنع
غير اني متخوفه من امه لا تزوجه بعدين دام يسمع كلامها و ع نياته مرره ممكن يسويها و تندمين.
انا شفت كل الظروف المحيطة و عطيتك ردي.
دام معك شهادة بمعدل عالي و اهل منتي ضايعه باذن الله و لاانحديتي تجلسين و تضحين.
خصوصا ان تضحيتك ماقوبلت بمساعده
الله يعينك و يساعدك و يرزقك بالذرية

الله يعينك على ما ابتلاكم به لاكن ما لقيت ما اقوله لك لاني انا مثلك 9 سنوات ما في عيال لاكن الحمد لله زوجي سليم و انا سليمة الله يرزقنا يا اختي من واسع رحمته

استخيري اختي والله يختار لك الخيره الطيبه

وانا قريت بهالمنتدى لعضوه اعتقد عندها نفس ظروف زوجك وراحو للاردن وتعالجو عند دكتور مشهور هناك 
تفضلي الرابط 
هنا قصتها كااامله 
والله يرزقكم الذريه الصالحه يارب

http://forum.hawaaworld.com/showthread.php?t=4088643