ماتوقعت بيوم اني انهار كذا واضرب ....

السلام عليكم بنات 

بنات انا مدري كيف صار الموقف اليوم جد منهاره 💔
جونا الايام اللي راحت مع زوجي هدوء والحمدلله 
جيت من المستشفى كنت تعبانه وتعشينا برى وعادي قالي سوي لي كاس شاهي
قلت اوكي الرضع جد طبيعي 
شغلت المويه بسوي له شاهي 
وجيت جلست عنده لين تخلص المويه وقلت له الله يعينك اليوم مادومت بكره كيف 
بتداوم وانت بتتاخر بالنوم قال الشكوى لله 
بعدين لانه الصبح عصبت عليه يوم قام وقلت والله بكره ما اصحيك 
عاد قلت تراني حلفت دبر نفسك بكره قال اقول تصحيني غصب عنك 
كلام عادي بدون اصوات عاليه شوي عاد هو مرررررح ثقيل معي 
طرحني ومسك يديني مدري كيف المهم هو فوقي وماسك يدي ينادي ولدي ويقول 
عضهااا ولدي اي شي يقول ابوه يسوه قدوته ماعاد اقدر اتحرك الا رجولي كل ماجاء برجولي 
والله يديني اوجعتني من مسكته 
وقام 10 دقايق يحاول ماقدر فيني ادافع بكل قوتي واصارخ على ولدي يوم شاف انه ماقد قال انا بعض فيك اللحين الوضع مزح لنه يضحك انا واضحك 
وعض فيني وانا اعض فيه اقوى بكته وبنات ابي الفكه يعورني دايم ابكي عقب كل مزح كذا ولامانه نادر مايسوها 
المهم عيت افكه يحاول قال طيب ويعض فيني باقوى المهم ما اذكر شي الا انتي انهارت لانه اقوى مني 
وعصبت مرررررره انقلب الموضوع جدا من عندي 
اوب مره انهار وما اتحكم باعصابي قمت وصرت فوقه واضرب فيني بطنه وظهره واجر شعره 
حتى هو انصدم وقف يناظر واضرب اضرب بكل مكان واصارخ عليه 
والله يابنات شفت الخووووف بين عيونه ماتوقع اني بسوي كذا اول مره من زوجي اعصب كذا 
هو وقف ماعاد دافع بس يدينه على وجه اضرب واضرب ولامانه يوم شفته كذا جلست افش خلفي بحركاته اللي ماتعجبني اخر شي قال ولدك خاف شفينه بس وقفي وناظرت فيه صدق خاف واوقف
لامانه زوجي شخصيه قويه وله هيبه ماعمري ماديت يدي ليه معه خمس سنين وهو ماقد ضربني 
بس يمزح كذا وماتطول وابكي وبعدين يرضيني وانا ادري يمزح بس انا يعورني 
المهم وقف واروح اسكر المويه قال بس ماعاد ابي شاهي 
واوقف بالمطبخ بين لوعه ودوخه ويديني ترررررجف بقوه 
وارح لغرفه ابكي انا وش سويت وش صار وجهي احمر من العصيبيه ويديني ترجف 
واجلس شوي جاني ياخذ غرض قال شوفي عضتك لامانه سناني موسمه بيدينه تفشلت منه قال لاتكلميني معصب سكت علشان ولدي مو علشان ولي تصرف معك 
مابي اسمع منك ولا كلمه ياربي عاد هو اذا زعل يالله يرضى 
والله ادري غلطت بس انا طفشت واصلا انصدمت من دره فعلي عليه ماتوقعه بيوم اني اضربه
بجد مصدومه اللحين قولي كيف اتعامل معه بكره وشلون ارضيه 
زوجي طبعه لازعل يالله يرضى