ماتوقعت زوجي كذاا < ادخلوا شوفوا

شوفي ياقلبي احمدي ربك ان زوجك فيه خير ويخاف الله ثانيا دااااايما ذكريه بان الي يسوي منكر بيشوفه بعياله وخاصه بنت خذيه من هذي الناحيه واي وامسكيه مرة مسكه وقوليله حبيبي باقولك شي بس لاتناقشني فيه ابيك تسمعه بقلبك وعقلك قبل اذنك احنا الان عندنا بنت ونبيها تكون صالحه احفضً الله يحفضك واتق الله فينا بس اذا قال ليش تقولين كذا قولي من كثر خوفي ع بنتي واني قريت معلومه ان اي شخص يذنب ترجع ع ذريته بس واصحي تعلمينه بلي شفتيه عليه ولاكنك شفتي شي بس ذكري تري المقاطع والخرابيط طايحين فيها الشباب الله يصلحهم وحاولي القنوات الهابطه تحذفينها وتسوين لك قنوات محترمه مسير بنتك تكبر خليها تنشى ع خير وصلاح الله يسعدك ادعيلي بذريه صالحه الله يسعدك يارب

ماقدر افيدك بشي والله
بس سفرات برااا لااااا يسافر لوحده رجلك على رجله
هذي اماكن فتنه
وزوجك باين فيه خير
بس ضعيف قدام الفتن
ربي يهديه ويثبت قلبه
ويجعله مايشوف غيرك

طنشييي

عنده رب بيحاسبه ليش انتي متعبه نفسك صح شي يقهر بس هو مو طفل كبير يعرف ان هالشي غللط وحرام صعب تقولين لاتشوف شي ترى ابن ادم يخطيء ويتوب حنا مو انبياء

<نفسي اكون ماما >
أناا من النوع اللي مقدر امسك دمعتي اخاف تطيح قدامه وانا اتكلم

< كان حلم >
السفر معه يروحون مجموعات هو واصحابه من الشركة ومايقدر يأخذني معه ألا أحيانا أذا كانوا مثلا ثلاثة اللي بيروحون ..
الحمدلله من بداية زواجنا وماجتله سفرة .. لكن جالس يلمح انها جايه .. وكيف اقدر اضغط عليه يأخذني معه

مشكورين حبايبي

الحمدلله على سلامتك
ومبروك ماجاك يارب يجعله صالحه باره فيكم ..
من رأي ياختي ورأي يصيب ويخطيء
اول شيء تسوينه وهو سلاحك ( الدعـــــــــــــــــــاء )
انزلي حاجتك بالله ووالحي عليه بالطلب ان يبعد عن زوجك كل حرام
ثانياً ( راجعي نفسك انتي ) واظن بك كل خير
لكن العبد يحرم الرزق بذنب يصيبه وهذا ماقرأته في كتاب ( الجواب الكافي لمن سأل عن الدواء الشافي )
ثالثاً ( لا تناقشينه ابداً خلي كلامكونصحك له بطريقه غير مباشر )
لا تعيني الشيطان عليه دام مسح المقطع وهو بإذن الله بداية خير دام حس بالخطأ
والانسان ضعيف امام هواه والشيطان ..
قولي له قصص من القصص اللي يقلونها المشائخ عن مدمني الافلام وكيف خاتمتهم
وسوي اشياء عملية مثل
احفظي في لابتوبه اذا كأن مشترك بينك وبينه وعادي تفتحينه احفظي مقاطع من اليووتيوب عن التوبه وفضلها
حطي في المفضله موقع(طريق التوبه ) ممتاز جداً تبارك الله ومقيمين حملة عن غض البصر
حاولي كما تزيدين من ثقافتك في الحياة الزوجية زيدي من ثقافتك في الدين الاحاديث عن غض البصر
وقوليه له اليوم سمعت حديث عجيب والله خفت
حاولي تمسحين وتقطعين كل مايقربه للمعصية من قنوات امسحي القنوات الفاسده وخبي الروموت
وان سألك قولي ( حبيبي مانبي ببيتنا شيء يغضب الله , نبي السعاده والاستقرار هالقنوات هي احسها اللي تجمع الشياطين بالبيت
وخلي قناة مكة مباشر دايم شغاله في البيت
وإذا قال لك مثل الكلام اللي قلتيه فوق ( وبعدين يجي يقول سامحيني
ويجلس يتكلم ويقول عبارات مو مفهومه يقول الله رحيم بعبادة لو يخطئون يستر عليهم ومن هالكلام )
قولي له ( لما تقولي هالكلام اتخيل ان كل انسان لو اذنب ذنب يجيه منه ريحة كريهة عاد تخيل كل مغتاب وكل مانظرللحرام تطلع من ريحة
كأن ما يطيق الواحد يجلس بجنب احد بس ربنا رحيم بعباده يعصونه ويستر عليهم , بس الانسان لازم يحط بباله مايجعل الله اهون الناظرين إليه
صح الله رحيم للي يتوبون ويقبلون إليه و شديد العقاب على من عصاه
وانا وانت بإذن الله نعين بعض على الخير شفتي مني شيء يغضب الله ذكرني بالله وانا لو شفت منك شيء صدقني راح انصحك واقولك
لن ماتحمل اكون بالجنة اننت بمكان وانا بآخر ) حاولي تناقشينه بمثل هالكلام دام هو اللي بدأ امسكي الخط معاه
وحسسيه بس لا تصارحيــــــــــــــــــــــــــــنه بالعبارة

واولاً واخيراً الدعــــــــــــــــــــــــاء واحمدي الله واشكريه ان ربي جعل في قلب زوجك خوفاً
وصلاح ماشاء الله
كل ماتذكرتي مصيبة زوجك احمدي الله اشكريه ماكانت اكبر من هذا

والله يصلح حالك وحال زوجك ويجعلكما ممن اطاعوا الله في السر والعلانية