ماتوقعت في يوم بكتب مشكله زي هاذي هنا...

السلام عليكم ورحمه الله وبركاته
اخواتي العزيزات من جد ما توقعت اني اكتب مشكله او اني اكون في مشكله زي هاذي للي يعرف شخصيتي حاينصدم
انا متزوجه من سنه ونص وشخصيه جدا جدا إجتماعيه وخيفيفه ظل.. وادخل في الناس بسرعه
كنت في بلد والحين انا في بلد ثاني ما اعرف فيه والا شي ..لا مكان ولا حتى الناس

اشتغلت ولله الحمد.. لكن ماعندي اي علاقات إجتماعيه ولا صديقااااات البلد الي انا فيه مافيه اهل لي ولا جماعه ولا اعرف صديقات
بتقولون في الدوام...... حاولت بس مع الاسف كل وحده لها شلتها ومن زمان وما يبون يدخلون احد في شلتهم تخيلو حتى محد عرض علي اني اجيهم زيارات
والله شي غريب بنات والله شخصيتي مافيها اي شي عيب بحكم الجميع بس وين المشكله الله واعلم

دلووووووووووووووووووووني وش الحل.. احتاج صديقات شلون وش اسوي... الي في الدوام مافيهم خير
وزوجي دايما مسافر بحكم شغله وماعندي اطفال
أمووت من الزهق في البيت وحاولت ادور لي نشاطات ثانيه بعد وقت الدوام في فترة غياب زوجي..لكن المنطقه الي انا فيها ..مافيها اي شي حتى الهوايات ماعندي الا بس اقرا...
لو انتم مكاني وش تسوون؟؟؟؟ صار لي على هالحال سنه ونص وحاتكمل السنتين