ماتوقعت هالشيء يأثر على هشاشة الفطاير..عجينة فطاير ناسية صاحبتها..

السلام عليكم

مبارك عليكم الشهر

بعد عدة صولات وجولات ومغامرت بعجائن الفطائر
طحت على عجينة وااااو
هششششة وطرية وقطن
واعتمدتها من سنوات

وضاعت مني الطريقة العام
واستخدمت عجينة العشر الدقايق
بس مااااش
عجينتي هي عجينتي
ولقيت طريقتها عند اختي وانتهت المعاناة

انا مااتذكر صاحبتها
لان اخذه الطريقة يمكن من 5سنوات
وكان عنوان موضوعها انها جمعت بين عجينة العشر الدقايق وعجينة شمس
لكن ماادري وين موضوعها


المهم
بعد هالمقدمة الطويلة بعطيكم الطريقة والمقادير مع بعض

يخلط (نص ك حليب جاف+ك ماء دافي+ م ص سكر+م خميرة)
ويترك 5دقائق

ثم يضاف
(فنجال سكر+ك طحين+رشة ملح)
وتخلط ويترك 10دقائق

ثم يضاف
(ربع ك زيت + م ص بكن بودر+ك طحين)
وتعجن
واحيانا تحتاجين تضيفين ملعقتين او 3 طحين حسب نوع الطحين..

تترك 45 دقيقة ويمكن العمل بها مباشرة

ممممم
انا طرت لي قبل امس اكب كل شي مع بعض بدون سالفة العشر والخمس الدقايق
واعحنها مرة وحدة
ابدا ماطلعت بنفس الطراوة والهشاشة
جربوها وادعولي

بضيف بعض تطبيقاتي عليها بالرد التالي ان شاء الله