أنا متزوجة من 4 أشهر تقريبا و ماعندي شغالة, أصحى مع زوجي من الفجر وقت مايروح عمله ومنظمة شغل التنظيف كل يوم غرفة وأطبخ في البيت
انا مو مشكلتي كتر الشغل قد مو مشكلتي الشغل إللي له وقت معين زي غسل الصحون وترتيب المطبخ بعد الغدا والعشا لما يكون زوجي في البيت يعني بس لو الاقي شغالة تجي باليوم يكون مرة تمام + إني بدأت ألاحظ إني مو مهتمة بنفسي زي أول يدين خشنة ووجه ناشف و اللبس بدأ يسير مو مرتب
بأختصار تاني أحس إني يوم ما أدلع نفسي أقصر في شغل البيت و يوم ما اكون نشيطة في البيت أقصر في نفسي
فياريت إللي موفقة بين الاتنين تقولنا كيف تقدر توفق بينهم بالذات اني احس ان الشغالة في بداية الزواج تقد كتيييير في الحركة
لو سمحتو نصايحكم
رنيم*
•
ماعمرك دخلتي بيت الافيه شغاله وش دعوه صارت مثل الاغراض الاساسيه ولا معوقين عن الحركه ومانقدر نقوم بشغلنا
حنا نجتمع مع خوالي كلهم ماعندهم وعوايل كبيررره هذا بس لردك ولا الشغاله يازينه رررراحه
بيت بشغاله = راحه جسديه و قلق نفسي
بيت بدون شغاله = تعب جسدي و راحه نفسيه
انا جربت الشيئين مافيه شي كامل
هذي حال الدنيا
بيت بدون شغاله = تعب جسدي و راحه نفسيه
انا جربت الشيئين مافيه شي كامل
هذي حال الدنيا
طول عمرنا شغاله رايحه وشغاله جايه نطلع وحده نجيب الثانيه الين تزوجت وبعد ها عيني ماشافت ولا شغاله هذا مو تذمر لا لان توي مالي غير سنه ونصف يعني الشغل مو متعب بس ان شاء الله بعد تسع شهور بينور بيتي بمولود ادعولي لاني رايحه يوم الاحد احلل
الصفحة الأخيرة
شوفي شكلك بالمراية بعج ماتشتغلين وانتي منهوكة وطاقتج مهدورة ومالج خلق
اصلا مايسوى عليج
والله مع احترامي لجميع الاراء ولكنه راي شخصي
ان الشغالة مهمة جدا
انة يوم عندي شغالة دايما مرتبة ونظيفة وريحتي طيبة ووجهي منور ويدي ناعمة ومهتمة بجسمي ولبسي وريحتي طيبة وريحة البيت
كذلك اطبخ له واتفنن بانواع واشهى الماكولات وانة مرتاحه وماياكل الا من طباخي بوالعيال وعيالي الله يحفظهم لي
علشان جذي يا حبايبي نصيحة في الله ترا الحياة مو شغل بيت
تحبين النظافة جيبي خدامة تنظف انتي اميرة في بيتك مو شغالة
انة ماحرض احد ولكن اتكلم عن نفسي
صحيح انه بوقت خدامتي مسافرة وانتظر غيرها اقوم بشغلي بروحي وانة بيتي نسبيا كبير وعيال وشغل وتعب بس الحمدلله دايما بيتي نظيف وريحته طيبة واطبق نصايح البنات الله يحفظهم محبات الخير للاخرين عساه بميزان حسناتهم
ولكن بالنهاية زوجي متزوجني علشان يرتاح مو علشان اغثه بشكلي المعفوس من شغل البيت
والشغل مايخلص والعمر يخلص
وانة احدى مبادئي (ارمي فلوسك في الشمس واقعد في الظل)
هاذي ما يسمونه كسل لا علشان لا يهاجمني احد ولكن كوني اميرة ستحصلين على معاملة الاميرة
كوني اي شي ستحصلين على المعاملة التي تناسب!!! وتفكري في كلامي