ربي يسعدك انا كمان ماعندي شغاله ولا احبهن ومتعوده على الشغل والكرف من يوم كنت في الابتدائي
عشان كذا ماعد اشوفه صعب واقدر اخلص شغلي كله في خلال ساعه واحيانا ساعه ونص
واحنا ثلاثه انا وزوجي وبنتي ولو تشوفين فوضتهم بس فديت فوضتهم وبيتي كبير دورين والجاي اكثر ربك يعين وييسر
والحمدلله ترى في الحركه بركه اذا مااشتغلت وكرفت ماارتاح ابد حتى عظامي توجعني اذا ضليت جالسه

حبيتي اذا استعنت بالله كل شي سهل انا ما عندي شغالة الحمد لله ولا عمري تعاملت مع شغالات وعندي اربع اطفال اخرهم بنتين تواءم الله يحفظهم والحمدلله بيتي تظيف ومرتب ومهتمة بنفسي اكيد في ايام تكون متعبة لاكن كل التعب يزول لما تحسي انك راضية عن نفسك وموفقة اختي

انا كنت اتوقع مستحيل اعيش بدون الشغاله


بس سافرت غصب

والان بدات ارتب اموري

من ناحيه الراحه النفسيه راااااااحه وبقووه كمان

انا الشغالات عندي لهم ثمان سنوات


بس هالفتره حسيت براحه غير لما كانو عندي اقولك كيف

البس على كيفي اصحى على كيفي

انا وزوجي ننبسط نضحك ونسولف كله عادي

لما كانو عندي حتى مشاكلي انا وزوجي كثيررررررررررر لو ضحكنا شويتين تلاقينا زعلانين

يمكن تحز في نفسها. او يمكن حسد

الشيء الثاني. كانت عندي شغاله والله بدون ما ابالغ كانت اول ما تطلع من غرفه نومي تجري جري تطالع تبغى تشوف ايش فيهاااا


غير اللقافه اللي فيهم


يوه اشياء كثير بس صراحه فقدت الراحه الجسديه

وفقدت الاهتمام بنفسي والطلعات والروحات. الان اغلب وقتي بالبت وارتب



يعني الشغاله له سلبيات وايجابيااات


بس لو يحصل لي الحين تقديم اكيد راح اقدم اهم شيء اعيش بروقان مو مكروفه واشيل هم الكرف اللي وراي

سبق ورديت بس ملاحظه من جهه الراحه مع الزوج او اللبس
الي عندها عيال كبار ماتاخذ هذي الراحه برا غرفه النوم
بس نصيحه مني عارضو وجودها في البيت او ايدو وجودها على كيفكم كل وحده حره في حياتهابس
لا تسبون فيهم وتقولون يراقبون ويسوون ويفعلون ------ لان حسناتك اغلى من انك توزعينها عليهم صح
ياحظهم والله ياخذون الحسنات بارده مبرده من حشنا وطبعا عالم حواء اكثر من يحش في الشغالات
في بنات هنا ماشاء الله يكتبون نظامهم في بيوتهم وحاطين جداول بدون مايجيبون سيره الشغالات ابد
وفيه ناس من تفتح موضوع تبدا بالحش ثم تكتب نظامها بستثناء الي شافت منهم بلوى اخلاقيه او سحر
الله يكفينا واياكم كل سوء ويعطي كل وحده على قدنيتها

ما عندي شغاله
الي يقهر يوم تجيك ضيفه بعيالهاواللي نظفتيه خلال الاسبوع ينعدم في ثواني
الله يعين