مات أبوي

مساء الخير

هذي أول مرره اشارك بمنتدى الواحه الادبيه


اتمنى انها تكون مشاركه موفقه

هذي قصيده قريتها في مجله وحرّكت كل مشارعي وأثرت فيني

اتمنى انها تنال اعجابكم
___________
تقول :

مات أبوي وتاج راسي مات حلاّل النشايب^^مات ياكبر المصيبه والفجيعه والبليّه

مات..لكن من بعد موته تحاقرت المصايب^^لو تجمع فوق راسي كلّها هانت علّيه

ماتهون اليوم ياراسٍ على قـــــبره نصايب^^ والله ان القبر عندي شامخٍ كنّه طميّه

ليتني قبل النهار اللي دفنتك فيه غايــــــب^^ليت عمري قد فنى وفي عمـــــرك بقيّه

الربيع أقفى ولا ظنيت نفرح بالسحايـــــب^^والمطر ماعاد يطري له بوقت الغيظ نيّه

المرابع ممحله واليوم هبي ياهبايــــــــب^^ مادرينا عن هبوبك قبل يوم الارض حيّه

ياصليب الرأي مدري ويـــن نوّخت الركايب^^بعد مادجت الفيافي والسهال الجرهديه

ماكسبت الا الصخا والطيب وخيار الجلايب^^ولا انحنى راسك ذليل ولا تهقويت الرديّه

لاوزير ولا سفير ولامدير ولا أنت ناـــــيب^^ والله انك حايـــزٍ عــــندي على هذي وذيّه

روحوا قبلك هل البيضا وأهل العوص النجايب^^لو تفيد جيوشهم كان استماتوا للمنيّه

مابقى الا ذكرهم.....وبيوتهم صارت خرايب^^كنّهم مارودوا شــــــلفا....ولا ركبوا مطيّه

جعل ذاك الوجه.. مايرجع من الرحمن خايب^^جعل مثـــــواه النعيم وفي جنّات سرمديه

ياالله انك ترحم اللي جاك مستغفرٍ وتايب^^قبل موته... ســــاجد لك في ضحاها والعشيّه