السلام عليكم ورحمته الله وبركاته

اقسم بالله انه الحين ابوي الغالي له اسبوع متوفي مانيب مستوعبه احسه حلم
لاتقولون هذا اعتراض لا ان شاء الله حنا محتسبين وراضين بحكم رب العالمين
بس والله عجزت اصدق
ابوي راح انا احين مالي ابو
يبه وينك يابه وشلون رحت وخليتنا
تحسب انك ياببه لا رحت نبي نساك
لا والله و رب مانساك لين اصير تحت تراب زيك
وشلون يايبه حنا الي نخاف عليك من نسمة الهواء تاذيك وشلون يحطونك في حفره ويكبون عليك التراب
يبه حنا الي جبنا هندي يلزق الكيف بخمسين ريال عشان مايذبحك البرد يجون ويحطونك بالثلاجه
بس رغم حزني ورغم الي فيني كله لان الي فيني مااقدر اكتبه
لاذكرت يوم اشوفك وانت مكفن وذاك الوجه الضحوك الابيض ذيك البشره الي ارجعت شباب
تهون علي مصيبتي واحمد الله ان الله اختار لك الخيره الصالحه
ضبحك العطش والجوع بسبب المرض لكن يعوضك في جنات النعيم ان شاء الله
مدري وش الي كتبته بس المهم اني كتبت
ورجاي من الله اولا وثم منكم ثانيا انكم تدعون الابوي واموات المسلمين بالرحمه واختموها بالصلاة والسلام على النبي

سبحااااااااااااااان الله كانك تتكلمين عن وضعي وشعوري

اللهم ارحم والدك ....واغفر له..واوسع مدخله... واجعل قبره روضه من رياض الجنه...اللهم اغسله بالماء والثلج والبرد....اللهم نقه من ذنوبه كما ينقى الثوب الابيض من الدنس...والمسلمين الجمعين والصلاة على افضل الانبياء والمرسلين

عظم الله أجرك
وغفر الله له ورحمة

الله يرحم والدك ويغفرله
انا اليوم والدي اكمل سنتين من وفاته
ومازال في القلب حزن وجرح
والله يصبرك ويصبرنا على فراق احبابنا

إنا لله وإنا إليه راجعون

عظم الله أجركم وألهمكم الله الصبر والسلوان

اللهم اغفر له وارحمه وأكرم نُزله ووسع مدخله

اللهم أدخله الجنة وقِه عذاب النار اللهم باعد بينه وبين خطاياه كما باعدت

بين المشرق والمغرب اللهم نقه من الخطايا كما ينقى الثوب الأبيض من

الدنس اللهم نور قبره وأجعله روضـــــــــة ً من رياض الجنة

وأعذه من عذاب القبر ومن عذاب جهنم