😔😔 مات جنيني دعواتكم لي بالخلاص الحسن ويعوضني ربي خير

اخواتي ماادري من وين ابدأ ودموعي ماهي مساعدتني اللهم اجرني في مصيبتي واخلفني خيراً منها انا حامل في بداية الشهر الخامس وكنت اراجع واخر مره كانت ليلة رمضان من قبل اسبوعين وطمنتني الدكتوره وكتبت لي كالسيوم وحديد لي كم يوم احس بجسمي غريب ظواهر الحمل من ثقل وحرقان في المعده وانقطاع النفس مو مثل اول حاولت احس بحركة الجنيني مااحس فيها والكل اقرأ له يقول الجنين صغير ومن علامات تلشهر الخامس الراحه في الحمل عن الاشهر الاولى لكن ماارتحت ىرحت اليوم لدكتورتي اسوي اشاعه لقيتها مره زحمه وبديت ادور بين المستشفيات والمستوصفات لمدة طويله وكلها زحمه مافيني حيل ولا صبر ان انتظر الين لقيت دكتوره ماعندها احد ولما دخلت عليها وشرحت لها سوت لي السونار واول ماحطته قالت انت متى اخر مره كشفتي قلت من اسبوعين قالت للاسف. شوفي راس البيبي كيف ضامر ميت ميت من زمان دارت الدنيا فيني واعطتني تحويل للمستشفى لما رحت قالت انتظري قدامك 18قلت انا مااقدر ووريتها التقرير الي كتبته الدكتوره قالت وبكل برود خلاص انت يعرف بيبي ميت انتظري مافي مشكله ماتت الرحمه من قلوبهم ومن وحده للثانيه ورفضوا يدخلوني وطلعت لمستشفى خاص ودخلت الطوارئ واكدت لي الطبيبة ان جنيني ميت وسوت لي تحاليل تتأكد من سلامة دمي وقالت ممتظر اسبوع اذا ماجاك الطلق ونزل ننومك في المستشفى قلت لها طيب عطيني طلق صناعي وسوي تنظيف قالت انتي مشكلتك عمليتين قيصريتين مانقدر نعطيك طلق صناعي حاولي تشربين اشياء تساعد على فتح الرحم
تكفىن حبايبي مين يعرف ايش اشرب المعذره طولت عليكم لكن ماعندي احد اشتكي وافضفض له وامي مسافره ماابي افجعها مالي بعد الله الاانتم الله يسعدها من تعرف شيء تساعدين ولاتنسوني من دعائكم فهذا ليس اول حمل لي افقده يارب عوضني خير واخرجه مني بالخلاص الحسن