ماجا في بالي اني راح اكتب هالكلام بيوم من الايام ..!!

؛


السلآم عليكم ورحمة الله وبركاته ..

اللهم صلّ وسلم وبارك على نبينا محمد عليه افضل الصلاة والتسليم..


بدايةَ انا بنت عمري 34 سنه للحين ربي ماأراد وماتزوجت يَ رب لك الحمد والشكر على كل شي..

قبل اسبوعين تقريبا تقدم لي شخص وفاتحني ابوي بالموضوع وماقدرت اتماسك اول ماقال في شخص بيجي
يشوفك صحت .. مو لأني مو مؤمنة بقضاء الله وقدرة ولا لأني شينه ولا في شي يعيبني
لا والله إماني بربي كبيييير يَ رررب لك الحمد والشكر .. ومن ناحية الجمال والاخلاق
الحمد لله في كل مكان اسمع اني احلى من خواتي بشهادة الكل واخلاقي ما ازكي نفسي طبعاً..

صحت لأني كل ماجاني شخص سبحان الله مايتيسر آمري ومايتم الموضوع
الين الحين 4 اللي شافوني .. غير اللي يجون اهلهم يشوفوني وماعاد يرجعون..

اللي حاز بخاطري امي وابوي اللي زعلانين عليّ وعلى حالي .. لما صحت يوم قالي ابوي بسالفة المعرس
ابوي يَ جعلني فدوة له زعلّ على زعلي وارتفع ضغطه لدرجة اثرت على عينه ولولا لطف الله على كلام الدكتور كان الضغط اثر على المخ.. يَ جعلني فدوة لمواطي رجليه..
يَ جعلني ما افقده لآ هو ولا الوالده ..
يعلم ربي اني صايره اتضايق من هالموضوع لأن اهلي يتضايقون معي..
اللي حاز في خاطري كلام اخواني من وراي الكل راحمني .. يقولون مسكينه كل ماحد جاها ماصار نصيب

يعلم ربي قد ايش احس بغبنه وضيقة صدر وافكر بيني وبين نفسي وش فيني ليش
مايرجعون وش ناقصني ....ومن هالكلام..

مع العلم ان لي فتره محافظه على الاذكار واحصن نفسي واستغفر واذكر ربي كثير واقراء سورة البقرة..
والله العظيم والله العظيم والله العظيم هالكلام اللي قلته مو تسخط ولا اعتراض على حكمة ربي ..

لكن تعرفون الشخص يجيه وقت يتكدر خاطره ويتضايق ويحب يطلع اللي بقلبه لأحد يسمعه ويواسيه..

انا اكبر اخواني وماأقدر افض فض لخواتي اللي اصغر مني:(
\

اعتبروني اختكم وفض فضتلكم ..

لاتنسوني من دعواتكم..

دعوة المسلم لأخيه المسلم بظهر الغيب مستجاااابه