ماجي ماجي ماجي كل شي ماجي ارحموا نفسكم تعالي شوفي وش يسبب الماجي

بكل طبخه من طبخاتكم لاحظت الماجي اساسي عندكم ليته مكعب واحد الا الله يهديكم تلعبون فيه لعب يعني اللحين يومك طبختي الدجاجه تبين طعمها ليش تحطين ماجي خلاص تكفي الدجاجه فيها طعم

وتاخذين مويتها وتطبخين الرز وتحطين ماجي ليش

اي طبخه لازم ماجي لو يحصل تحطونه مع المويه مااعندكم مانع قللي حاولي انك تطبخين بدون ماجي وش يصير يعني بيصير ماله طعم مستحيل الطبخ نفس تقدرين تطبخين بدون ماجي ويطلع طبخك يهبل اذا عندك نفس اما انك تحطين ماجي وتلعبين علينا وتسوين نفسك طباخه لا منتي طباخه اطبخي بدون ماجي ونثبت لك انك طباخه ولك نفس هههه استفزكم

لاا جد

ارحموا نفسكم ترى هالماجي خطير والدكاتره بنفسهم حذروا منه شفتوا الدكتور جابر القحطاني يقول مستحيل الماجي يدخل بيتي وتدرين وش هو بالظبط هو الله يسلمك الدجاجه كلها بعضاامها واحشائها تطحن وتبهر وتملح عشان مايبين طعم الاحشاء وتغير طعمها ومع الاندماج مع بعض يطلع لك طعم واو مع اضافه مواد وحاجات مايندرى وش هي ووتشكل مكعبات وتقدم لكي سيدتي كي تتمتعي بالذ طبخه وعطي عيالك منه مساكين خلي المواد تلعب بصحتهم

بتقولون اييه كل شي يحذرون منه

ميخالف بس الماجي ياهم تكلموا فيه كلام لو تسمعينه كان تحرمين تدخلينه بيتك بتقولين ايه ليه مامنعوه من السوق حبيبتي مو كل شي يمنعونه يدرون ان فيه ناس لها عقل وفيه ناس لا و شركات تجاريه مالها شغل بصحتك يبون يكسبون وبس والاطباء بدورهم يحذرون الناس وعاد انتي وخوفك على نفسك وعيالك واهلك

تسبب اورام وسرطانات وتأثر على المخ والكلى وتأثر على الهرمونات وتلخبطهم وتلعب فيهم لعب وتأثر ع الغدد و تسبب عقم

وترى كل الامراض اللي ذكرت منتشره اتحدى احد من عايلتك مايعاني واحد من هالامراض اللي ذكرت الله يشفيهم ويكفينا شرها


اذا ماتستغنين عنه خلاص اطفالك خلي اكلهم صحي تراهم بذمتك صحتهم ماتتحمل حافظي على اكلهم الصحي عشان اذا كبروا يكون متمتعين بصحه وعافيه مو زي عيال الوقت يجيك طفل مسكين كل امراض الدنيا فيه المواد لاعبه بجسمه لعب




سؤال الحلقه كم مره ذكرت كلمه لعب هع