ماحب المشاكل بس انجبرت

بسم الله الرحمن الرحيم

كيفكم ياالغاليات عساكم بخير
الموضوع ومافيه ان بنتي الله يحفظها كانت تبغى تقص شعرها ورحنا للكوافيره وجلست وتصفحنا كتلوج
قصات وجا على بالي اقص شعري وقلت البنتي وانبسطت تبي امها احلى وحده (بنتي بثالث متوسط وحلوه ونعومه الله يخليها لي)رحت دفعت فلوسي وقصيت وخلصت بنتي قبلي وجت وانصدمت يوم شفتها كانت قاصه(بوي)انقهرت وكانو الي بالمحل يقولون حلو وانا اقول مو حلو وطلعنا وفي البيت عاتبتها وقالت ان الكوفير زادت عليها وهي ماتبغى كذا المهم راحت للمرسه السبت الاحد الاثنين رجعت تبكي تقول بحول
منازل>>>>ليش ش صار قالت المديره سحبتني قدام البنات من شعري وقالت هذا ولد اسمه محمد ودخلتني
غرفة الاداريات وهي تصرخ وكتبتني تعهد وكان على بنتي اسواره صوف هديه من صديقتها قطعتها بالقوه
ورمتها بالزباله بنتي تقول ماما صرت ارجف 00انا خفت على بنتي لان عندها مشكله بالقلب والمديره
عارفه المهم هديتها ونامت الظهر تبكي00 وع الغدا خبرت ابوي بالي صار لاني عايشه مند اهلي ابوي
عصب وقال لاتسكتين وكلم واحد بمكتب التوجيه وقال خلها تقدم شكوا بصراحه انا ماكنت ابي مشاكل بس ابوي اصر وكتب شكوا مرررره قويه بس اخواني خففوها يعني شالو كلمت ارهابيه خخخخ
وانه بيرفعها للوزير وغيره وطبعتها بس كنت متردده ومن بكره قلت بروح للمدرسه اتفاهم مع المديره
احسن ويوم رحت ما لقيتها مشغوله ورجعت واستخرت ورحت مكتب التوجيه 0وبصراحه عجبني مبناهم مع انه مستأجر (وقلت ياليتنني موضفه عندهم خخخخخ كلن على همه سرررر)المهم قدمت الشكوا وسألت متى بتباشرون الموضوع قالو الاسبوع القادم ورجعت وبنتي غايبه وطبعا اهلي قاعدين يهيؤني
قولي كذا وكذا وحطيت كل الاحتمالات في راسي 00المهم بنتي اقنعتها تروح السبت ويوم الاحد كلموني
المدرسه قالو موظفة مكتب التوجيه عندنا وبنتك ماتبي تتكلم الا لما تجين قلت جاااايه 0 سكرت السماعه وطقتني ام الركب وصرت ارجف وكلمت ابوي وقال روحي وخليك واثقه ورحت 0دخلت غرفت المديره والقاها مليانه عالم وهذي موظفة التوجيه واسلم عليها والتفت اسلم على المديره وبغت تصفعني من الحقد ويالله مدت يدها واناضر والا بنتي جالسه تبكي وضمها وهديها قلت وش فيك قالت انكرت كل شي وهذولي البنات صديقاتي جو يشهدون معي ويوقعون وراحو البنات والموظفه تقول انتي كتبتي الشكوا وذكرتي كذا وتبداااا الميره تصرخ وتصرخ وتلتفت على مساعدتها وتقول ماقلت شي ماسويت شي
حاولت اتكلم ماتجاوبت معي بس تصرخ قلت ليش تكلمين المساعده انا صاحبت الشكو اكلميني ومااااردت التفت على الموظفه وصرت اكلمها والا المديره تقول اسمعي يام فلانه وانا اطنشها وحاكي الموظفه وبنتي تحلف ان هذا الشي صار قدام الاداريات فلانه وفلانه وووو قالت الموظفه جيبو الاداريات
يشهدون المديره بغت تنجن وصارت تخبط الملفات(صراحه رحمتها وماكنت ابي الاداريات حتى يوم اشهدو معها)بس الي قهرني انها انكرت وحتى الموضفه تقول واذا قالت محمد عادي مشيها قلت بس هي بنت مو ولد وحتى لو غلطتت يكفي التعهد المهم تدرون وش تمنيت وقتها تمنيت اكلم ابوي اقول كيف اتصرف لاني كنت حاسه ان عنده حل المهم انتها الموضوع وسلمت على الموضفه وقلت بتابع معك
واخذت اسمها كني بتابع وانا بس ابي اطلع واخذت بنتي ورحت للبيت وكلمت ابوي وقلتله وطبعا كان
عنده الحل الي مافكرت فيه وعجبني بس راحت على وووووش تتوقعون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يمكن مايعجبكم بس عجبني وتحسفت اني ماسويته :42:


بعد هالموقف ماعد تعرضت لبنتي بس ترسل الاداريات يجبرونها تلبس قبعه وبصراحه بنتي تستاهل عشان تحرم مع انها تكابر وتقول هذي احلى قصه قصيتها
لو حصل معكم هذا الموقف بتسوون مثل ماسويت اولا؟؟؟ رجاء لاتجرحون واذا ماعندك رد اطلعي بهدوء الله يحفظكم ويستر على بناتكم
:26::26::26::26: