ماحب انام عند اهلي دلوووني شلون اتصرف

السلام عليكم

كيف حالكم يابنات ماطول عليكم انا زوجي بيسافر مع اصدقائه

ولازم اروح لاهلي اذا سافر لمكان بعيد لاني ماعندي احد انا وولدي

مع العلم ان عندي جيران حبوبين يعني بامان الحمدلله

واهلي الصراحه تتعب نفسيتي اذا رحت عندهم يعني انا ماتحمل اي كلمه على طول اتضايق

ومقدر حتى اسهر ولا اسوي اي شي يعجبني اذا نمت عندهم يعتبروني طفل ولازم امشي على قوانين البيت

وحتى السوق انتقادات وخلووها على ربكم بس

مرات اذا راح زوجي بيزور اهلي وقلت عندي شغل او تهربت من الروحه يحذف علي كلام مثلا اول مره اشوف

وحده ماتحب تروح لاهلها انا لو اهلي هنا كان كل يوم عندهم واقوله انا كل يوم عندهم وازورهم بس اليوم عندي شغل

وفعلا بنات يوم ورا يوم نروح لهم انا وزوجي احس ماكأني متزوجه وامي الله يهديها ويخليها لنا مره كبيره

وعصبيه وماتحمل لو تقولي شي يضايقني قدام حريم خواني واذا تجمعن حريم خواني تعالو شوفو النكد

بس تراقبني قوومي ساعدي فلانه صبي القهوه لفلانه ؟ تقصد حريم خواني

واذا شافت وحده منهن تصب القهوه والا تحط الغدا والا العشا على طول تناظرني نظرات وتقط كلام

مثلا ..... اييه الحرمه تشتغل وبنتي قاعده

طيب وش فيها لاشتغلن والا عيب والا حرام؟؟؟؟؟ والله اني اساعدهن بس امي الله يهديها تبيني لاصقه فيهن 24 ساعه

لدرجة اني لو اروح ارتاح والا اقعد بغرفتي تجي تدخل علي وتقول لييش مخليه فلانه وتعصب علي:44:

حتى بالليل اسهري مع فلانه واذا جت تصحيني من النوم تصحيني على هواش لدرجة انهن يطالعني بنظرة رحمه

وعارفات اني مقهووره

تزوجت ونفس الحاله لاني كللل يووم اجيهم ماذكر اني قعدت اسبوع كامل ببيتي

عاد الحين يابنات ضااايق صدري زوجي بيسافر وحريم خواني بيتجمعن عند اهلي علشان العيد والله ماعاد افرح بجية خواني وحريمهم

مدري وش اسوي شايله هم والله عطوني حل

ودي اقعد ببيتي بس زوجي بيطول يمكن مايجي الا بعد العيد من يجيبلي اغراضي من البقاله

وبعد اهلي وابوي بيقولون ليش قاعده بلحالك ماعندك احد مع ان اختي تقعد ببيتها بس علشان بناتها كبار

وانا ماعندي الا ولد واحد وتوه صغييير

عدلت الموضوع::: اللي يقولون اني مثل ماتحملتهم قبل لازم اتحمل الحين واللي يقولون اني ماحب اشتغل :44:

انا اشتغل واساعدهن على طول بس لو اقعد دقيقه ممنوع لييين يجن حريم خواني من المطبخ ويرتاحن

وبعدين انا صح قبل متحمله بس الحين تزوجت غيير ابي اغير من حياتي

بيتي كانه فندق موب بيت يعني بيتي صرت ازوره المفروض العكس

والحمدلله ماقطعت بامي واهلي اروحلهم بس ابي تكون روحاتي معقوله يعني بالاسبوع مرتين عالاقل

وصعبه اخلي وحده من خواتي تنام عندي وازواجهم وش يقولون ؟