السلام عليكم ورحمه الله وبركاته
حبيت اعرض لكم ماحدث لي انا وابنتي ام الاربع سنوات وانا في مجمع الهرم بلازا مخرج 17 امس الجمعه
اول شي اقوله الحمد لله على كل حال
نزلنا زوجي للمجمع وراح يخلص له شغله وراجع لنا
المهم بينما انا وبنتي نتسوق ونجمع من الملابس والجزم وغيره وغيره ونحط بالعربيه كنا في الدور العلوي مادريت الا صوت المايكروفون ينادي يقول
على الزبائن الكرام التوجه للاستقبال
ويكررها مرتين والناس عادي لان تحت فيه صوت اناشيد والاغلبيه فكروه مهرجان او شي
المهم
تغير اسلوب المناداه الى
على الزبائن الكرام التوجه للبوابه
هنا زادت شكوكي قلت وش السالفه واشوف الحريم حولي عادي ما اهتمو وطنشت
ولما تكرر منادات الكلام مرتين ثلاث حسيت بشي صاير
فجاه لمحت عامل المجمع يركض ويمسك بطفايه الحريق وركض على تحت هنا ناديت بصوت يمااااه واخذت بنتي وركضت فيها على تحت والناس تركض تبي تطلع للبوابه
بعد مانزلت شميت ريحه بلاستيك وفيه دخان خفيف ورجال الامن يخلون المركز بسرعه والناس اللي تدور ولدها واللي نست شنطتها بالعربيه يارب رحمتك بس الحريق كان من برا بنفس مكائن التكييف للمركز
وبنتي تقول ماما جزمتي ما اخذتيها والحلاو حقي قلت بعدين اشتري لك جديده
والحمدلله على كل حال
اتسائل عن الحريم اللي يتركون اطفالهم يلعبون بين الاسياب بالمراكز واللي تتركهم بالالعاب وتروح تتسوق وش شعورك لو يحدث مثل ماحدث لي
راح تركضين وتنفجعين اكثر بطريقه البحث عنهم اول والا تطلعين وتتركينهم والا كيف
الله يرحمنا برحمته ابن ادم ضعيف
حبيت اعرض لكم ماحدث لي واللي كانت حاضره بالمكان امس تقول شعورها:(
ظل امراة @thl_amra_1
محررة
يلزم عليك تسجيل الدخول أولًا لكتابة تعليق.
ظل امراة
•
لا يمكنك مشاهدة هذا التعليق لانتهاكه شروط الاستخدام.
كلنا نعرف ان محد بيموت قبل يومه
بس حطي نفسك بمكاني ايش شعورك :44:
الحمدلله على كل حال
شاكره مرورك
بس حطي نفسك بمكاني ايش شعورك :44:
الحمدلله على كل حال
شاكره مرورك
الصفحة الأخيرة
الله يكفينا شرور الدنيا