ماحد باركلي من الاقارب . وانا زعلانه من ردت فعل امي هل معي حق او لا

بنات حابه افضفض حاسه شوي مضايقه يمكن كلامي مش واضح
انا صار لي والده شهرين الحمدلله وما حد اجى باركلي في ابني
طبعا بس امي وابي واخواني (مش متزوجين) هم الي اجوا فقط
ما حد اجى لا من اقاربي ولا اهل زوجي طبعا انا عارفه من البدايه اهلوا مش رح يجوا لانه بعاد وما معهم سيارة طبعا حماي وحماتي كبار بالسن وانا بس خلصت نفاس روحت زرتهم
ولي دار سلفي ساكنين بنفس منطقتنا برضوا ما اجوا مع انه هدول فقط اتوقعت يجوا مع انه علاقتنا رسميه بس لانه باركنا لهم باخر ولاده لمرتوا
لكن الي مزعلني اقاربي عمامي خالاتي ...
طبعا باركوا بالفيس
بالذات في خاله اتوقعت تيجي ع الاكيد وهي اول وحده باركت بالفيس وهي بنفس الوقت بتكون مرة عمي اخو ابي يعني عمي كمان ما اجى
وما حد اجى
مع انوا بولاداتي السابقه اجوا وباركولي
كتيير حازه بنفسي كل يوم كنت مزينه البيت ومجهزة الضيافه لاني كنت متوقعه يزوروني
والي مضايقني اكتر انوا انا لما خلصت نفاسي زرت اهلي
امي فرجتني شو مجهزه هديه مشان ( تبارك لابن خالتي لانه مرتوا كانت بشهرها وقربت تولد )
اضايقة كمان من امي يعني بتفكر فيهم حتى قبل ولادتها وهم ما حد زارني فيهم
والان صار لها والده كنة خالتي عشر ايام والي فهمتوا كاينه امي بدها تزورهم واتباركلها بس لانه لسه تعبانه ما راحت
طبعا هدا الكلام ما حكتوا امي مباشره لي بس هدا الي فهمتوا لانه حكت اتصلت بابن خالتي وتطمن على مرتوا
وبنفس الوقت كانت بمنطقتهم
كتيير اضايقة انا




واليوم انا ماقدرت حكيت لامي الي مضايقني منها
ومن كلامها ما حسيت مهتمه انه اذا حد زارني او لا فقط حكت انه لا تربطي حالك بحد


وانه بتحب كنة خالتي ومشانها بدها تروح مو مشان ابن خالتي




من كلامها ازعلت اكتر ما حسيت مهتمه بمشاعري مع انه حكيت اتوقعت على القليله تتاخري بزيارتك الهم بس حسيت هي مش مهتمه


مع انه انا كتيىر بحب امي وما بتقصر معي بس ردت فعلها مش عارفه طبيعيه ولا انا الي على خطأ


صرت بفكر اصير ازور اهلي رسمي مع زوجي حاسه للاسف بضيق شديد


وانا تقريبا كل اسبوع او اسبوعين بروح مره عند اهلي بقضي نص يوم تقريبا


وصار تفكيىري بس تتحسن الامور نرحل لمنطقه بعيده عن اهلي قريبه من شغل زوجي مع اني كنت ضد الفكره وكنت احكي لزوجي ما صدقت انه اهلي قريبين مني كيف ابعد عنهم
لكن ردت فعل امي اليوم حسيت شي كسرني
وحسيت اهم شي الوحده بيتها واولادها فقط