ماحد ساعدني

السلام عليكم

بنات انا مستغربه من تصرف اخواتي عجزت افهمه يمين شمال ماستوعبت قد ماحاولت اقرب المسافات
اهديهم واسأل واتصل اذا تعبو او سمع احد من عيالهم تعبان وهم ولاجابو خبري علما انا الاكبر يعني المفروض هم يسالو حتى احترام مافي ولاتقدير
ادري الدنيا تغيرت وهذا صار شي عادي اغلب الناس تشتكي ماحد بيقدر احد ولا احد بيحترم احد
ططيب ماهي مشكله تغاضيت وامشي الامور واضغط على نفسي
لهيت بدنيتي ببيتي واطفالي وزوجي وحياتي وتركتهم قد ماحاول ماتصادم معاهم وابعد عن المواقف الي ممكن تسوي مشاكل ممكن اجلس اسبوع او اسبوعين والله ولاحتى يسالو ليش فلانه ماجات
ولما اجي بعد اسبوعين او ثلاثه واقابلهم طبعا ببيت اهلي قدامي يتصلو على بعض وينك يافلانه وليش تاخرتي ياعلانه
آآآآآآآآآآآآآآآآآآآه وانا ولا بالحسباان
يعني يعرفون يتصلون ويعرفون يسالون بس لي انا لا
يجتمعون عند بعضهم والله مافي مره قالو لي تعالي لو بالغلط علما انه لو صار ماعمري رحت بيدي فاضيه وهذا طبعي

لكل الناس فمابالك باخواتني
وانا احب اجمعهم ببيتي واعشيهم واتعب عمري ابغاهم ينبسطون وعيالهم مخلين البيت ملاهي ويروحو ماخلو شي بمحله
وانا على قلبي زي العسل اهلي وارحب

والله اخر مره جمعتهم عندي اقسم بالله انا الي اقهوي وادور بالحلى والشاي والمعجنات

وامد سفره العشا من الى ولاوحده فيهم كلفت عمرها وقالت انا اصب عنك او حتى شالت صحن معاي
قامو من العشا وجلسو يتفرجو ع السفره مافيهم من مدت يدها وشالت معاي لو ملعقه ورب البيت هذا الي صاير

خلاص طاااااابت نفسي منهم :44:

لقيت البعد انسب حل هم في وادي وانا بوادي
وانا مو مدحا بنفسي لكن كل مين يشهد لي الكل يحبني اهل زوجي وخالاتي وعماتي كل قرايبنا وسمعتي بينهم ذهب
وزميلاتي وجاراتي

الا اخواتي عجزت اكسب محبتهم مدري الخلل في او فيهم

انا كنت احبهم يكونو الافضل فكنت انصحهم بامور حياتهم وتعاملهم
وامي الله يخليها لي لما كانت تشتكي لي من وحده فيهم او انها زعلتها ب:44:شي اروح اعاتب اختي الغلطانه
وامي ماتبغى احد يزعل فتحطها براسي انا انا تكلمت من نفسي وهي ماشتكت

بعد ماعرفت هالحركه تبت ولا لي شغل باحد ولما امي صارت تشكي لي اصبر امي واهون الموقف لها

ولا عاد اتدخل باحد ولا انصحهم ولا بشي لو اشوفها تسوي الغلط قدامي من الي شفته حرمت

الناس ماتبي احد يقول لهم عيوبهم او ينصحهم تبي الي يمدحها بس

علموني كيف اتعامل معاهم وكيف اكسب محبتهم

وهل في احد يمر بمعاناتي

غريبه بين اهلي :44: