ماحد ينفعك لا اخ ولا غيره

والله يابنات بالوقت الحالي ماحد ينفعك لاتقولين اخوي
ولا اختي الحين خلي نفسك ثم امك وابوك وبس
يمكن الخوات بعد فيه شوي حنيه بعضهم ع بعض
لكن اقسم بالله قليل جدا جدا
تلقين اخو نفس زمان حتى الاخت محظوظه اللي
اختها طيبه انا مشكلتي للاسف مع اخوي
اصغر مني بكم سنه هو ٢٧ وانا ٣١
والله يابنات كنت افضله على نفسي بكل شي
اخدمه كنت بعيوني وكنت اقول اخوي واخوي
لما تخرج بدا يطلع على حقيقته صار اناني ماهمه الا نفسه
لما توظف بمنطقه ثانيه عنا كان يطلع لي حافز
كنت اعطيه اياه كله وابقي لي ٥٠٠ اعطيه اقول ساعد
نفسك وكان كل شهر يجي يطلبني ينقص عليه
ايجار وبنزين وكنت اقصر واحرم نفسي واعطيه
لما حصلت وظيفه طلبته نسكن انا وياه بنفس المنطقه
رفض وبوقاحه يقول
"مانب فاضي لك اجلس معك بالشقه انا مستاجر
مع اخوياي "
يقضل عيال الناس على اخته
قلت براحته وامي بس تدافع عنه مع انه مانفع امي بشي
تدافع انه يبي العيال صعبه يجلس لحاله و و
قلت خلاص مو مشكله اسكن بسكن
موظفات استغفر الله كاني مقطوعه من شجره
سكنت بالسكن واخوي موجود بنفس المدينه
هذا اللي كان قاهرني
متخيلين قعدت بنفس المدينه انا وياه فوق شهرين
يمين بالله يابنات
عمره مارسل لي رساله واتس اب ماعمره قال
تبين شي
محتاجه شي
كل همه نفسي نفسي
مره كانت بيروح منطقتنا يزور اهلي
وطلبته اروح معه كان بيوم وطني ولا فيه حصلت
حجز لابقطار ولا طياره
رفض ونفس الكلام
"مانب فاضي لك"
من قالك تجين تتوظفين هنا
تراك غثتوني
واولله يمين بالله يابنات عمره ماطلع
معي ولا عشر دقايق
ماكاني اخته
لما امي طلبت انه يجيبها عندي نفس على امي وعصب
وقال انا موب فاضي لكم
المشكله عندنا بس كذا
وعند اخوياه نفس مانب قايله
امي مره من قهرها بكت منه
يعني منان اناني مصلحجي كل الصفات فيه
مايتحمل اهله ساعتين يتضايق من اهله بكل شي