ادعولي احمل عشان اقول لكم ويش صار لي من موقف :44:
دخلت السنه الثامنه ولم يكتب لي الله الحمل الى الان :icon33:

ربي هب لي من لدنك ذرية طيبه يارب

انا ولدت ولادتي الاخيرة في مستشفى المواساة **** لا يهنيهم في غرفة الولادة ما عندي الوالي ولا ممرضة ولا قابلة انا ما همني الى يوم طلع الراس وانا اصارخ تعالو تعالو ابولد ابولد يالله جت وحدة وطلت وراحت بكل برود تنادي المصرية حسبي الله عليها وجت وطاح الولد بين ايديها علي طول بعد معاناة وقامت تخيط من دون تنضيف وبعد 5 ايام بديت ادوخ وتعبت مرة فكني الله من شر حمى النفاس واروح مستوصف اخر ويسون لي تنضيف وسعت الخياط عشان تنضف بس الله يعين حذاري لا احد يروح لهم
لكن فية موقف صار انا معلمة زوجي انة ما احد يدري وانا ماعلمت احد ولا امي وجوالي عطيتة زوجي وولدي كان معة قبل لا اولد كلمت اختي تسال عني وها الخراط قال لختي انها بغرفة الولادة والا الحين ما ولدت وداخلة السلاعة الفلانية واذا طلعت هي تكلمك اصلا وش بقى ما قال با التفصيل الله يهدية اما ولادتي في بكري عقب ما ولدت جت امة واختة يزوروني وزوجي راحمني اني تعبت طلعو من باب وضيعو ورجعو لمي با الغرفة والا ابو الشباب يبوسني يوم شافهم وينقز ذك النقزة ولا شفت الا غبارة

خخخخخخخخخخخخخخخخخخخخ

ياااااااااالهوووووووووي
يارب سهل

منووووووووين ابداا

انا محد صار له الي صار لي

تدرون متى ولدت بكري؟؟

بتاريخ 6-7-1411

ماتعرفون هالتاريخ ولاتتذكرونه..؟؟

هالتاريخ كان اول صاروخ طاح على الرياض ايام حرب الخليج

تخيلوو الموقف؟؟

(انا كنت عند اهلي لاني كنت مفلوزه)<< من زين الحظ

غرفه ملزقين الدرايش .. تلفزيوون يونووون ..تحذير.. يرجى اطفاء ..الخ .. قسم بالله مغصن بطني الحين وانا اكتب

اهلي كلهم مجتمعين بهالغرفه 4 في 5

بوووووووووووووم... طاحت اصواااريخ الساعه 1 بالليل.. واحد منهم على مبنى الجوازت وهو قريب من بيت اهلي

هدوووء........ محد يحكي... كلن خايف... وانا ماسكتن زاوويه

وشوي تبدى الطلووق معي<< مووووب وقته

لا شوارع تساعد ولا ناس تساعد ولا حاله تساعد

صارت تشتد معي الطلوق .. اكثر واكثر وانا اتعصر.. اميمتي (الله يحفظه) : بتس شي... لا يمه مابي شي

اختي تقول: وجهتس اصفر.. ايه من الروعه.. مرت اخوي تقول: اذا بتس طلوق عادي تلووي لاتستحين

ياووووووووويل قلبي ويلااه

اذن الفجر والناس للحين برهبه وخوف... قمت ابي اصلي لانو مامعي اي دم او مويات

اصلي ركعتين.. وكل شوي تضربني الطلوق وتزيد

امي بجنبي ... يوم سلمت قالت لي بك ولاده........ خرطمت .. ايه يمه.. شكله ولاده.. نطلع للمستشفى؟

امي..يااااااارب يحفظه .. قالت لا اخاف الدنيا برى حوسه (خايفين لاننا اول مره نسمع بشي اسمه حرب) يالله تديم علينا الامن

قالت لي ابولدك بالبيت.. معي مرت اخوك حرمتن عاقله ..

انا: لااااااااااااااا مابي

قامت امي تجهز العده.. مقص وسافلون ومفارش

(تصدقون اني ابكي وانا اكتب)


طلع النهار.. يمه يمه.. ماولدت للحين..ابروح للمستشفى..

طبعا زوجي كان يكلمني وقلت له كل شي وقال امك معها حق.. الدنيا برى تخوف

طبعا يوم طلع النهار.. النور امان وراحه نفسيه.. قال لي زوجي بطلع اشوف الشوارع (وقتها مافيه جوالات) وبيتي بعيد عن بيت اهلي

ربع ساعه ولقيته يطق الباب.. يالله نروح للمستشفى الدنيا برى هاديه ومافيه الا شوية دوريات

طلعت انا وهو وامي وطول ماكنت بالسياره اصااااااارخ خلاص يكفي تحملت كثير لاني مابي اصارخ بين اهلي

اتذكر.. انو الدائري كان مليان ضباب وكنه حلم..

رحنا لمستشفى اليمامه.. والحمد لله جبت بنتي بكري .. الحين عمرها 18 سنه

بتقولون المستشفى وش صار فيه.. بقول لكم الوضع مستتب والممرضات وش حليلهم

بس قعدت بالمستشفى يومين وجانا كم صاروخ نغصو عيشتي.. اذكر اني دعيت على صداام يوم شفت وحده جايبينها لغرفه مجهزه ضد الكيماوي وظهرها كله دم ونزيف وجمعونا مع بزاريننا بهالغرفه وقفلو الباب وسدو الفتحات بشراشف فيها مويه


الحين اقول.. حسبي الله على كل من كان السبب