يارب ترزق كل محرومه يارب

سبحان الله والحمدالله والله اكبر
يارب انصر غزة وعليك باليهود الظالمين

سبحان الله والحمدالله والله اكبر
يارب انصر غزة وعليك باليهود الظالمين

أنا بولادتي ببنتي ... ودعت زملائي وزميلاتي بالبنك وقلت لهم موعد ولادتي بعد 10 ايام ادعوا لي ... وانا باخذ اجازة قبل الولادة عشان ارتاح شوي قالوا اوكي وودعوني ... بنفس اليوم جاني الطلق شفتوا كيف ماتهنيت بالاجازة ( نحاااااسة) المهم العصر رحت ارقد شوي واكلت وصحيت بدري بالعادة اصحى المغرب ولقيت زوجي بعده مانام استغربت قلت له ليش صاحي قال اليوم بالدوام شربت تركش كوفي واحس اني مصحصح ... اول ما اذن المغرب جنابه نام كانت الساعه 6:30 وانا صليت وكانت امي توها راجعة من السفر بنفس اليوم رجعت قبل ما اولد بعشر ايام (خايفة اولد وهي محد) اتصلت فيها سلمت عليها وقلت لها اعذريني ما اقدر امر عليج تعبانه وريولي متورمة ... قالت ما عليه انتي ارتاحي وانا بمر عليج بعد صلاة العشا قلت لها انتي تعبانة من السفر قالت ليش جيت بالطيارة ووصلت وتغديت ونمت ساعتين وقمت وشربت الشاي وكل شي تمام بمر عليج بعد الصلاة ومعاي زوجة عمج بتسلم عليج ... قلت حياكم ....ورحت أتمدد شوي وعلى الساعة 8 زوجي كان صاحي وانا معاي بداية الم ... والا يزيد ويزيد وطلللللللللللق حاااااااااااااااااااار ومتتااااااااااااااااااااالي وزوجي طالع من الغرفة قلت له وييييييييييين تتركني انت ليج دايما تهرب ( أفا اكشن سويت له) وهو المسكين طالع الصالة بيكلم ابوي بيقوله وين عمتي وينها خليها تسرع بنتك جاها الم .... وابوي يقول له يالله جايين ماراح نطول وكل شوي يتصل فيه لين ما ابوي طفش وقال له ياولدي زوجتك بتولد الحين عندك .... خخخخخخخخخخخخخخخخخخخخخخخخخ خوفه وهو صدق الله يهديه بس والا هي الولادة سهلة ؟؟ يبدا الم ويطيح الياهل ياريت محد كان عااااااني .... بس استحملت لييييين الساعه 11 رحت المستشفى وعلى الساعه 2:30 انا مربية وعندي بنوته امرررررررررررر بس القابلة المسكينة بهدلتها كنت امسكها من قميصها من فوق واشدها ... وبعدين اعتذرت لها قالت عاااااااااااادي شدي اسحبي اضربي سوي اللي تبيه عشان يخفف الألم عنج .. مسكينة رحمتها (كانت اجنبية)

ان شاء الله ها الولادة تكون مثل اللي قبلها تمام

السلام عليكم...ابشركم يابنات انا ولدت:D..وولادتي كانت فلم مرعب حقيقي:06:...انا في حملي الاول خلصت التاسع ودخلت العاشر اسبوعين وماولدت الا بعد ما عطوني طلق صناعي..ولما حملت هذي المره ودخلت التاسع قالت لي الدكتوره انتي جبتي الاول طلق صناعي الولاده الثانيه احتمال كبير نفس الشي....مالكم بالطويله...لما دخلت الاسبوع الثاني من التاسع تقريبا الساعه 4 الفجر حسيت بالام خفيفه مثل الام الدوره و معه زي الامساك الله يكرمكم..مادريت ان هذي طلوق..ماتوقعتها..وترددت اصحي زوجي ولا لا!!! بس لما جت الساعه 6 الصباح اشتدت الالام فجاه وصارت متقاربه بشكل مخيف..صحيت زوجي وانا في شدة الالم..والمستشفى اللي اتابع فيه يبعد ساعه الا ربع ومريت مستوصف قريب وكشفت عند الدكتوره وقالت مفتوح 2 سم يعني يمديك توصلين المستشفى.. زوجي كان يمشي180 بس ماشاء الله عليه ثابت ومتماسك..بس انا ذبحني الطلق من قوته وحرارته..وخوفي كان كبير لان الزمن مابين الطلقه والثانيه..خمس دقايق..و احس ان الطفل يدفع يبي يطلع..وانااتوجع من شدة الالم.. بس لما بقى على وصولنا للمستشفى 10 دقايق وش تتوقعون صار؟؟!! رعب..الى الان انا ماني مصدقه اللي صار..واحس انه حلم..اش تتوقعون صار؟؟؟؟








وانا اصرخ واقول لزوجي...تكفى بسرعه..الولد يدفع....





فجاه اختفى الالم وسط دهشه مني ومن زوجي..لان الطفل طلع راسه..وبعدين طلع كله. ولدت في السياره. وانا ماني مصدقه وزوجي في ذهول تام....

شلته ولفيته بعباتي وبين ايدي وانا احاول ادفيه..والله انا اكتب الان وانا مش مصدقه ان الموقف حصل معي انا...

الله يصلحه.. سواله طريق على كيفه.. والضريبه غرز الدنيا والدين...
وصلت المستشفى وسط ذهول الدكتوره والممرضات.. وكلهم يقولون لي انتي ليش تاخير.. ليش ما يجي على طول؟؟؟
رديت عليهم بان الالم فاجاني..وماعرفته لان في حملي الاول طلق صناعي...بس الحمدلله عدت على خير...انا لي الان عشرين يوم.. وادعوا ان الله يصلح لي اعيالي..ويخليهم لي ويبرون فيني..و انصح كل وحده يجيها شكة الم انها على طول تروح المستشفى...لان مقابل ساعة المستشفى اهون من الولاده في السياره...خخخخخخ
والله يعطيكم العافيه...
ملاحظه:انا كنت اقرا الموضوع قبل اولد واضحك على المواقف..وماتوقعت اني بكتب عن موقف مرعب...هههه
يالسخريه الموقف<<<<<وحده تخفف على نفسها

ههههههههههههههههههههههههههههههههههه
هههههههههههههههههههههههههههههههههههههههههههه
ههههههههههههههههههههههههههههههههههههههههههههههههه

الله يوسع صدرك بالعااااافيه

انا لسه باقي خمس شهووور ومن اول ماحملت وانا ميته خووووووووووف من الولاده
ادعووولي تكفون ان ربي يهونها علي واولد طبيعي بدون عمليات وطلق صناعي ونزيف ومشاكل
واقوم بالسلامه انا وجميع خواااتي المسلمات ياااااااااااااااااااارب لطفك


بس اذكر اختي اللي اكبر مني لما جتها الولاده كانت تبكي وتتسند على امي ... وامي تبكي معها كان وقتها الفجر

وركبت السياره وراحت يوم جت الساعه تسع قالو ولدت وجابت بنت ورحنا على طوووول انا واختي اللي اصغر مني

للمستشفى جايبين معنا القهوه والحليب والقرص المعفوس <<خخخخ على بالنا بيجيلها نفس بعد الولاده تاكل

اول ماطلعوها للغرفه كانت تتألم مرررررره وكل حركه تقول بسم الله الرحمن الرحيم واذا جت بتلف تسمي

انا مره كسرت خاااااااااااطري وخفت من كثر مااشوفها تتألم طبعا هي اوول ولااده لها ..ياقلبي عليها

وانا طول الوقت سااااااااااااكته ويوم رجعنا البيت اقول لأختي اللي اصغر مني فلاااااااانه... بعصبيه قالت وشو
قلت : انا قررت قراااااااااااااااااااار .... قالت وش قررتي .؟؟

قلت قررت اني مااتزوج ....قالت قراااار سليييييييييييييم .......ومت ضحك منها

الحين انا على اعصابي وخايفه من الولاده طلعت قراراتي كلها خرطي خخخخخخ