سلام يابنات
أنا قبل فترة رحت لجدة بالطيارة ونزلنا بالمطار
أخوي راح يخلص الأجراءات وانا وأختي جلسنا ننتظر
وكنت ماسكة جوالي بيدي واقلبة ونسولف انا واختي
يوم جلسنا شوي وتجي عندنا حرمة وتجلس على الكرسي
وتسلم علينا طبعاً هي لابسة شراب يديين ورجليين وعباية راس
ومتنقبة يعني الحرمة متسترة
سالت اختي قالت شكلكم من الرياض قالت اختي لا القصيم
شوفوا ذكاها لوسالت من اي منطقة انتم كان ماردينا لكن ان كيدهن عظيم :mad:
ثم سألت الساعة كم عشان تتاكد معنا جوال وبالفعل فتحت جوالي وعلمتها الوقت
المهم يو درينا وتجلس تصيح قالت انا من الصباح بالمطار كذبوا علي قالوا
حجزنا لك بالطيارة روحي ويوم رحت مافية أحد وانا مامعي جوال والله تعبت
ثم قالت ممكن اكلمهم بس شوي ابسالهم احجزوا لي أو لا
قلت طيب وانا مترددة ماادري اصدقها أو لا جت طلعت ورقة من شنطتها وقالت
الجوال فية رصيد مارديت عليها ثم عطت اختي الرقم وسجلناة وقالت ترى انا
مااعرف اقراء ولا اكتب يعني كلمتها هذي مالها داعي صراحة هي اللي شككتني بها زيادة
المهم اخوي نادنا قال بسرعة اطلعوا راحت اختي بسرعة وانا دقيت وعطيتها ووقفت على
راسها يوم دريت تصيح تقول فينك ياجميلة ليش خلتوني بالمطار ولعبتوا علي وتشاهق
طبعاً انا ماارتاحت ابد لها مديت يدي بالجوال لان اخوي يصوت لي وعطتن الجوال سكرت
السماعة ورحت لاخوي وجلس يهاوشن انتي اي احد تقين فية ومن هالكلام
انا سبحان الله الله الهمني شوفوا لأني قبل مااسافر استودعت الله نفسي واغراضي
واماناتي وخواتيم اعمالي دايم اكررها لنفسي وعيالي تخيلوا الى سيارتنا دايم تخرب
ويوم صرت استودعها الله ماخربت ومرة سافرنا ولا استودعتها وخربت بالطريق وعقبها صرت
مداومة على الاستوداع عذراً دخلت بموضوع ثاني
المهم واتذكر أني قريت قبل عن عصابة الجوالات بالنت اقروا عنها يجيك أجد يقولك ابكلم محتاج
وياخذ جوالك يدق على رقم ثم يسكر بعدين تجيك مكالمة من رقم غريب واذا رديتي علية
خلاص راح رصيدك يبدون يدقون من جوالك ويرسلون رسايل وانتي ماتحسين
اعوذ بالله الله يكفينا شرهم....
المهم
واتذكر واقفل جوالي على طوال وفتحتة بعد نصف ساعة لقيت 9 مكالمات من نفس الرقم
اللي دقت هي علية والحمد لله اللي الله نجاني منهم
طبعاً مو بس بجدة صديقتي بمجمع بالرياض قالت لها وحدة ابغى ادق وعطتها وسحبوا
رصيدها هههه الحمد لله ماكان فية الا 4 ريال لانة شحن
عشان كذا هي سالتني فية رصيد :44:
ويوم قلت لقريبتي عن قصتي قالت ان صديقتها نفس قصتي وردت على
الجوال وسحبوا من رصيدها 1200 ريال وبعد مادرت قفلت جوالها
لآنك اذا طفيته مايتحكمون فية
انا حبيت انبهكم يابنات مو تعطون جوالاتكم اي أحد المشكلة الواحد اللحين
صار مايفرق بين اللي محتاج واللي يلعب :mad:
أهم شئ فرضاَ واحد اخذة منك يكلم بااي مكان بعدها لاتردين على أي رقم غريب مدة يوميين
والله يحفظنا ويستر علينا جميعاً
ليلة بحر @lyl_bhr
محررة برونزية
يلزم عليك تسجيل الدخول أولًا لكتابة تعليق.
بنت ال سمثا
•
شكرا على التنبيه
الله يجزاك الف خير
اول مره اسمع عنهم
الحمدلله ماقد طلبتني وحده
ولاانا قلبي رهيف على طول اعطي
حتى نعالي عطيتهم مره وحده بالمسجد
وبعدين شفت كيس معها واثرها مسويه الطريقه في
غيري الله لايبلاانا عايشين في اي عالم
عصابات ومؤامرات اعوذ بالله
الله يحفظنا
اول مره اسمع عنهم
الحمدلله ماقد طلبتني وحده
ولاانا قلبي رهيف على طول اعطي
حتى نعالي عطيتهم مره وحده بالمسجد
وبعدين شفت كيس معها واثرها مسويه الطريقه في
غيري الله لايبلاانا عايشين في اي عالم
عصابات ومؤامرات اعوذ بالله
الله يحفظنا
الصفحة الأخيرة