ماحصل لي مع اليتيم

هلا خواتي دائم نحب نذكر نفسنا بفعل الخير

والله ماكتبت هالكلام البسيط والي صار معي مدح لي ولكن لنسير يدا واحده لعمل الخير دائما

بنات اعرف لي وحده عزيزة علي ارملة ولها ولد نفس مرحلة ولدي بالصفوف الاولى

تشتكي منه بذات ان ابوهم الله يرحمه كان متعود يدرس اعياله

فقلت لها اول ماتجي الشغاله بدرسه لك مع ولدي قالت موقصدي يوم اشتكي لك وقلت والله عارفه بس بشوف مستواه

دعيت ربي يارب الي رزق حليمة السعدية بالرسول صلى الله عليه وسلم لمن رضعته وهويتيم بالخير ارزقني

يارب ابي اكسب فيه تعليم يتيم صرت ادعي ادعيه مدري من فين جبتها

المهم جتني شغالة وكان زوجي رافضها ليه مدري رغم متعودين عليها الحمدالله

درست الولد ولدي كان يجنني لين يحفظ والله يابنات ولدي صار يخلص في اقل من ساعه في كل المواد

ولدي ملاحضات بالمدرسة شكر وتقدير والله يابنات ماابالغ ولدي تغير رحمة ربي فيني

ولدها مشاءالله تبارك شاطر بس مسكين يستحي متردد والحمدالله كسرت هالحاجز وطلعت هذي مشكلته في المدرسة

ولكن الحمدالله تحسن كثير

بنات واقسم بالله تغيرت اشياء كثيرة في حياتي ماقدر اكتبها

ولكن الي مدرسة واخوها مدرس او زوجها اتمنى من الله ثم منكم تعاملوهم معاملة خاصة بذات الصغار

والله فقدهم لبوهم شي عظيم عوضهم الله يعوضكم بالجنة يارب

بنات ادعو لولد صديقتي بالتوفيق