سلام بنات والله تجمعكم مره يريح طبعا انا ماقريت كل الصفحات بس درعمت هنا على طول..ابي انضم لكم فيه كرسي فاضي عندكم..؟؟
على العموم عندي من الهموم مابها الله عليم بس الله يفرج همومنا جمييييع يارب ياكريم فرجها علينا عاجل غير اجل
انا بس اللي ابيه ان ربي يجمعني مع الانسان اللي احبه بالحلال ادعولي..وان شاء الله دايم تلقوني مستلمه هنا هههههههه

بنات وش هو جدولكم اذا ماشين على جدول معين اسدحوه هنا الله لايهينكم

ياحياتي ياتعب قلبي من يومك اساسا اجودية والله ^_^
بس اهم شي انك فهمتي المقصد وهو الي حصل اساسا هو لبس بس مو أكثر وصدقيني راح تفهمين وايش اقصده بالظبط مع الايام
اصلا تدرين انا كتبت رد طويل عريض اشرح لك فيه اكثر عن الجملة بس راح وضاع الرد عشان يوضح اللبس الي انتي فهمتيه والي ممكن راح يفهمه الي راح يقرأ رد
اما من ناحية انك كبرتيني يالله ماعليه خذي راحتك لإني اساسا ماقدر اوصلك خخخخخخخ عشان انتقم ^_^
تدرين وربي تخيلت انا و انتي وماسكين بشوشة بعض و 4everalone تفكنا ههههههههههه ونشد شعرها هي كمان خخخخخخخ


ممممم هذه الايام كلنا مخربطين يعني مانتظمنا خصوصا انا وان شاء الله بتظبط الامور
شوفي ياقلبي انا بإحاول اذا النت والجهاز كالعادة ماخذلوني اني اجيب لك رابط المصحف الرقمي تقرأين منه على كيفك وبرضو السبحة الالكترونية انا برضو الاثنين هذول ودي احملهم
وان شاء الله تظبط الامور
دعواتك بالله انا صايرة مااستغفر مظبوط زي اول وانتي عارفة قد ايش الاستغفار مهم خصوصا للذرية عشان كذا تلقيني اخر شي افكر فيه هو الاستغفار ....استغفر الله العظيم يارب ثبتني وساعدني وقويني على الاستغفار ومااتركه ابدا
.............................. ................






ربي يساعدك ويقويك ويثبتك ويشرفنا تواجدك وانضمامك معنا ولو تقولي لنا كيف طريقتك وايش تسوين عشان البنات يستفيدون ولاتحقرن من المعروف شيئا..يعني لاتقولين الي اسويه عادي او مايستحق الذكر ؟ انتي ممكن تسوين طريقة تعجب وحدة من البنات وتكون سهلة عليها فتسويها وتأخذين اجرها واجر كل من يعمل بها

&&&&&&&&&&&&&&&&&&&&&&&&&&&&&


هلا بنوتة المملكة شوفي هو مجرد القراءة مهمة جدا جدا جدا لسبب
انه في الحديث ...اقرأو البقرة فإن أخذها بركة وتركها حسرة ولايستطيعها البطلة
يعني المهم قراءتها ومو شرط في القيام يعني وقت ماتحسين انك فاضية بس الاهم انه الواحد مايفوت خيرها واجرها
لكن الافضلية لمن يقوم بها الليل سواء بالقراءة والصلاة
بالنسبة للصلاة انتي لاتشقين على نفسك وتتعبينها .....علما انه صلاة قيام الليل بصفة عامة سواء بالبقرة او بغيرها مابين وقوف وجلوس ...بمعنى لو انتي بتقرأين صفحات كثيرة وطويلة عليك سواء سورة البقرة او غيرها تصلين وانتي واقفة ولما تحسين انك راح تتعبين تجلسين ولما ترتاحين توقفين او قبل الركوع
يعني المهم هو قراءتها ولما تأخذين عليها راح تسهل عليك القيام بها
واذا قرأتيها في اليوم ......في غير وقت القيام .....يصير تصلين القيام لو ركعتين وبسور قصيرة مثل المعوذات وتصلين ركعة الوتر (أقلها ركعة) وتقرأين فيها سورة الاخلاص (اذا حابة) يعني تكونين بكذا اخذتي اجر وفائدة قراءتك لسورة البقرة واجر قيامك الليل بالصلاة وماضيعتي عليك شي

وربي يرزقك ويرزق باقي البنات بالزوج الصالح الي تقر اعينكم بهم ويشيلونكم من على الارض شيل ولاتنسون تدعون لي بإن يقر عيني بزوجي ويقر عينه بي ويعم حياتنا الهدوء والاستقرار والحب ويشوفني بنظره اجمل نساء العالمين خلقا وآخلاقا ويرزقني منه الذرية الصالحة

&&&&&&&&&&&&&&&&&&&&&&&&&&&&&&&&&


هلاااااااا عطورتي كيفك احنا الي اشتقنا لك
هاه بشري كيف الاوضاع معك بالدوام؟
ربي يسهل لك امرك ودربك ويرزقك الزوج الصالح الي يهنيك ويسعدك وتقر عينك به ويرد كيد كل من اراد بك سوء في نحره ويصرفه عنك
ربي يثبتك ويقويك على طاعته ويثبتنا معك .......آمين
&&&&&&&&&&&&&&&&&&&&&&&&&&&&&&&&&


هلا بصاحبة الفزعات ^_^ اجل جاية مدرعمة تبغى تفكين الهواش الي بيني وبين اختي تعب قلبي خخخخخخخخخخ ياحليلك وانا اتخيلك انا وتعب قلبي ماسكين بشوش بعض وشعورنا منكوشة وانتي تحاولين تهدين بيننا وينولك من الحب جانب وتتكفخين خخخخخخخخخخخخخخخخ
وربي امس قعدت اتخيلك واتخيل نفسي انا وتعب قلبي ومت ضحك ^_^ الله لايجيب هواش ولازعل بيننا يارب

هاه بشرينا عنك كيف الاوضاع معك وكيف برنامجك العلاجي؟!!!
يارب ياقادر ياكريم انك ترزقك اختي 4everalone القوة وا لطاعة يارب وتثبتها وتسهل امورها ودربها وزواجها من الي يتمناه قلبها قادر ياكريم

&&&&&&&&&&&&&&&&&&&&&&&&&&&&&&



اولا يارب تحسين انك مو شموخ رغم الانكسار .......لا ........تحسين انك كلك شموخ وبدون انكسارات أبدا ^_^
مدري يابنات تصدقون احيانا احس انه حتى الاسامي الي نختارها ترى تأثر فينا <<<< (تحب تتفلسف الاخت ^_^)

شموخ احنا مو بس نقبلك ونعطيك كرسي ؟!
احنا يشرفنا انضمامك اساسا للقروب ^_^ يعني نعطيك احسن كرسي لو حبيتي ^_^
شوفي احنا مع الايام حسينا انه ماصار لنا جدول معين
يعني حاليا التركيز على البقرة اما قراءة او صلاة لإنها هي تقريبا أهم شي ...ومو شرط بقيام الليل المهم انك تقرأينها
وعلى صلاة قيام الليل حتى لو بركعتين وبسور صغيرة وركعة الوتر لو وحدة واذا قدرتي تصلين قيام الليل بسورة البقرة أو قراءتها فقط خير وبركة
وكل وحدة تقول الي هي تسويه لإنه ممكن كل وحدة تقول طريقة تعجب الثانية فتقوم تسويها
انا حاليا توني و بفضل الله ثم مع تشجيع البنات في الموضوع صرت اصلي الضحى والحمدلله ...في بداياتي يعني مو ملتزمة فيها بس هه يعني امشي لين خلاص اقدر اصليها على طول ومااتركها
وصرت برضو اقرأ اذكار وتسبيحات مابعد الفروض (وابتكرت طريقة انه بدل مانقرأ اية الكرسي لوحدها بعد كل فرض صرت اقول كمان الفاتحة والمعوذات واواخر سورة البقرة وأنفث وامسح على جسمي يعني كأني اتحصن 5 مرات باليوم)
وبرضو عندنا برنامج علاجي وراح تلاحظينه من خلال الردود ....هذا للي يعاني من ابتلاءات في حياته(مثل سحر حسد عين ...)
ونساعد بعض ونشجع بعض عليه
وانتي راح يتبين لك من خلال الردود طرق البنات وتختارين فيه الي تقدرين عليه ويعجبك وتحاولين تداومين عليه والافضل بالتدريج عشان ماتتركينه بعد كذا ......وبس ^_^

ربي يرزقك حبيبتي الزوج الي اختاره قلبك وان شاء الله يكون هو خيرا مماتستحقينه من الزوج تأملينه ويسهل دربك وزواجك منه وينولك مرادك ويفرج همك قادر ياكريم

لاتنسيني بدعواتك ^_^

مدري يابنات هل تسمحون لي بإضافة هذا المقطع؟ هنا؟!
هو عموما للعظة واتمنى انكم تدعون بالرحمة لكل من قضى في هذه الكارثة حسبي الله و نعم الوكيل

الى كل من يرى أن ماحدث لجدة هي بسبب معاصي أهلها وفجورهم
للعلم اماكن الفساد والفجور الي يقصدها زوار جدة من الباحثين عن الفساد والخراب (مع انه الخراب بكل مكان والي يدور على الشر بيلقاه بوجهه والي بيدور على الخير بيلقاه بوجهه كل واحد ونيته) كل اماكن الخراب والشاليهات الغير محترمة ماجاها شي حتى المناطق الي يسكنها المتسببين بالدرجة الاولى لهذه الكارثة ماجاهم لاهم ولاشوارعهم ولابيوتهم شي
ماراح فيها الا الضعوف المساكين الي لاحول لهم ولاقوة
http://www.youtube.com/watch?v=zJDdOMgQEig&feature=player_embedded

بنات الموضوع لازال قائم او لا !!!



ودي انضم لكم

قائم ياقلبي وخذي راحتك ويشرفنا انضمامك لنا واي شي ودك وبخاطرك تكتبيه اكتبيه حتى لو شي صغير في نظرك احنا في نظرنا كبير وبتأخذين اجر اي وحدة تسوي نفس طريقتك