حبيبتي توكلي على الله انا سويت الحجامه اسبوع اللي طااف
وربي كنت حيييييييييييل خايفه بس طلعت السالفه عاديه
بس حييل ارتحت بعدهاا
انتي سويها واحي سنه الرسول عليه الصلاه والسلام

شموخ رغم الانكسار

ثقي بالله ان ربي يحبج وناويلج الخير وانتي انسانه مؤمنه وتخافين من ربج والدليل تلجئيله يأنبج ضمييرج هذا ان دل دل على انج تخافين من الله
صدقيني اذكري ربي بالرخاء يذكرج بالشده
كلبونا سوينا المعاصي كلبونا أخطناا لاكن الحين وعيناا وعرفنااا ان ربي غفوور رحيم وين احنا من رب العباد ليش مانتقرب منه
كلبونااا عندنا حوائج بالدنيا ويناا عن ربنااا كاااااااااااافي حياتنا اللي راحت معاصي.. ولعب ..ولهوو.. حتى الصلاه كنا نجمعهااا
وبعدين .. وبعدين شنو استفدنااا ولاااااااااااااااشي اخذنا شغله وحده من حياتناا تدرون شنو؟؟ الضيقه .. الهم ..التعاسه..

لاكن وقفت وقفه جااده لمتى وانا اشكي وابجي واضيييق نسيت ربي ادعيه نسيت صلاتي نسيت القران
وربي كنا مومسلمين كللللللللش
الخير بين ايدينااا وربي ساهين عنه اندوووور الحلووول البعيده ولافكرت في يوم اني اصلي وادعي بسجودي وابجي
لاكن حصل موقف في حياتي خلاني اصحى.. خللاني افكررر.. كانت وقتهااا عطله الصيف اللي طااف
شغله وحده سويتهااا اهي السبب في تغييير حياتي تدروووون شنوووو؟
بالليل كنت سهرانه على النت والشات وكنت حيييل ضايقه رحت توضييت وصليت بقيام الليل والله مادري شنو قريت بس اذكر اني طولت وانا ساجده بس ابجي موقادره اعبرررر
والله العظيم تغيرت حياتي ارتحت راحه مابعدهاا راحه وبعدهااا دخل شهر رمضااان واخذت اجازه من دوامي وتقرب لله بصلاه وصوم وقراءه قران هيئت جوي كله بطاعه ربي
والله ثم والله ثم والله اشياء واجد كنت ابيهاااا وصارت قدامي بسهوووله وقبل كنت اتعب عليهااا سبحاان الله اللي جابها لي بسهوله
جوني خطاب وربي البيت ثلاثه اللي انا كنت احلم بس بواحد يطق بابي سبحان اللي جابهم منو اللي جابهم بهالوقت مو ربي يوم تقربت له حصلت اللي ابيه
صج ماحصل نصيب لاكن جاني رزق ربي بصحيني يقولي تقربي مني ولج المزيد وهاأنااا اتقرب له يالله لك الحمد
وادعي كل يوم ربي زدني قربااا اليك
وعسى ربي يرزقني بالزوج الصالح التقي النقي عاشقا لله ورسووله والذريه الصالحه


الكلام لج ياشموووووخ رغم الانكسااار خاصه وللبنات عااامه
مانبي غير احنا نشجع بعض وربي يابنات احناا خوات واعتبركم مثل خواتي
صدقوني مافتحت قلبي لااحد غيركم احس اكتب اهني وانا مرتاااااااااااااحه لان ادري في بنات يدوروون الخير لي ولغيري

رفع الله قدرك واجرك ومنزلتك دنيا وآخرة


ويشفي كل مريض ويعافي كل مبتلى يارب ويعنا وايإك ياقلبي على طاعته ولايحرمك اجر دعواتك قولي آمين

دخلت هالموضوع و جاتي الرجفه والخووووووف الشديد كأني بروح غوانتانامو مو باحسن من نفسي

ادعوووولنا بنات و ربي كل دعوه منكم لها قيمه كبيره ... الله يوفقني باختباري و يفك ما يربطني ايا كان

السلام عليكم ورحمة الله وبركاته كيف حال حبايبي ***** الله على العهد
ومشكوره ياتعب قلبي الله ينولك ماتريدين واكثر من ما تريدين والبنات جميعا امين امين امين
والله انك صادقه حبيبتي تعب قلبي انا كنت عايشه حياتي وناسه وناسه وناسه كل شي كان متوفر صحه وجمال وزوج محب لدرجة الجنون لكن مااتقيت الله على قولتك كنت مااهتم اصلي الصلاة بوقتها لاانام واجمعها وماقد مسكت المصحف وقريت كم ايه ولاعمري دعيت ربي كنت مشغوله بحياتي صحيح مستانسه حييييييييييييييل لكن دايم كنت اقول لنفسي احس اني استغفر كافره لاني بس حياتي وناسه وبعيده مره عن ربي مع اني والله ماعمري تركت الصلاة ابدا بس ماكانت بوقتها عموما مااطول عليكم انقابت حياتي بثواني راساعلى عقب وشفت اشياء والله كانت من المستحيل تحصل بس على ربي مافيه مستحيل والحين رجعت رجعت لملك الملوك اساله الفرج القريب صحيح اني ضايقه فيني الدنيا لكن مستانسه من ناحية علاقتي مع ربي قعدت الوم نفسي واقول ليش اول ماكنت قريبه من ربي لكن الحمد لله والله اللي حصل كثر مايجرح كثر ماهو خيره لي رجعت لربي ندمانه تايبه والحبين الحمدلله باديه معكم بالبرنامج وكل ماحسيت بضيقه حاولت ادعي استغفر واصلي وسبحان الله الانسان مهما غرته الدنيا ولف ودار يرجع لرب العالمين
لااله الا انت سبحانك اني كنت من الظالمين ربي اعطني ماريد انا واخواتي بالمنتدى والمسلمين عامه فانه لايجزك شي في الارض ولا في السماء
اخواتي احبكم احبكم كلكم بالله:26:ولكم مني هديه كل ورود الربيع في الكره الارضيه ههههههههههههههههههههههههههههههههههههههههههههههههههههههههاي