وحده من البشر :

السلام عليكم حبيت احي صاحبة الموضوع عالفكره هذي والله يجزاها خير وحبيت اعترف بشي خاص فيني انا للأسف دووووم تصادفني مشاكل بالحياة ولأني انسانه حساسه فأتعامل مع الأمور بحساسيه كبير وخاصة اني اعيش وحيده بوسط أسرتي لأن الأخوان اسلوبهم جدا سئ وأمي لو الود ودها تقفل علي وتضمن اني ماأطلع من البيت وأختي انسانه تحب الوحده والانعزال عننا وعن الاخرين من الأهل والناس بعد ولاتحب الأطفال اصلا ومو متزوجه وهي اكبر مني اضافة الى كذا واحد من اخواني متزوج ومطلق واطفاله عندنا ونا المسؤوله عنهم بلحالي كون انه امهم من بلد اخر وهي اصلا ماتبغاهم فأحس تحملي لهذي المسؤوله اضافة للأسلوب السئ من اخواني ومن ناحية محبتهم لأنفسهم ومصلحتهم على حسابنا احنا طبعا انا ابوي متوفي من يوم كنت صغيره واخواني هذا اسلوبهم بس طبعا مع زوجاتهم طراطير وعلينا شخصيه قويه نافذه فعشان كذا من الصغر ونا مترسبه في نفسي عدة امور سيئه من اهلي كاكل من اخواني ومعاملتهم السيئه واحراجهم لي قدام زوجاتهم ومعاملتهم لي بالأمر على كل شي يخص زوجاتهم اضافة لأمي اللي من يوم كنت صغيره وهي تحاول تحرمني من الطلعه ولكن بفضل الله ومن ثم دراستي الى الجامعه وتكوين صداقات مع البنات قدرت اكون عكس امي واختي احب الحياة الاجتماعيه والناس ولكن ماتزال امي تحاول فرض كل الطرق عشان تخليني ما اطلع بحيث انها تزعل ولا تقول لأخواني انهم يمنعوني اروح مثلا لزياره اقاربي ولا أصدقائي او حتى لو بنتمشى برى البيت هم تتضايق غير كذا الضغط اللي علي في الاهتمام بالعيال والمذاكره لهم والمشاكل اللي تجينا عليهم بسبب امهم اللي بس يتصل علينا احد من اهلها عشان يكلمون العيال على طول يقلبون علينا ويبتدون يصرخون ويطولون السانهم علي ولا يحترمون كلمتي عليهم لأنه خلاص انقلب راسهم منهم واحنا مانقدر نحرمهم منهم لأنه حرام علينا هذي صلة رحم بس للأسف صلة رحم سيئه وغير المشاكل من اخواني على عدة امور وهالشئ بصراحه سببلي من كثر ما أنا افكر دائما واحساسي بالحزن والانزعاج باين على وجهي وعلى طريقة كلامي مع العيال لدرجة والله صرت اتمنى لو اعيش بلحالي بعيد عنهم عشان ارتاح منهم ولكن مهما كان قلبي مايطاوعني عشان هالصغار محد بيهتم فيهم غيري وياريتني مشكوره من اخوي الا استغفر الله ينطبق عليه مثل ( اذا اكرمت اللئيم تمرد ) بس الحمدلله ان شاء الله الاقي حسن الجزاء عند ربي مو منهم ومع كذا مرات أضطر اتشكى عند احد من اصدقائي او من الأهل عن الأمور اللي تزعجني من العيال او من اخواني واجلس والله كانوع من التفريغ اقول اني سويت لهم كذ وكذا يعني اقصد انه بدل ما اكون مقدره منهم الا اشوف منهم الأسائه وهالبشئ خلاني اخاف انه لايكون اجري يروح من كثرة كلامي بس والله ماقصدت فيه من وأذى اللي اقصده فيه انه ليش على اللي اسويه ما اكون مقدره منهم بالأسلوب الطيب وانهم يريحوني مو يضغطوني بمشاكلهم وقلة احترامهم ونتيجة طبعا صدري الضيق من كل هالأمور وكثرة تفكيرى ابتديت اقصر بصلاتي ومرات افوتها ومرات اتكاسل اقوم أصلي ووالله العظيم اني اخاف من ربي ودوم افكر بعقابه واطمع بجنته سبحانه ومع اني عارفه انه الجنه ماتجي الا اولا بالصلاة ولكن حسبي الله ونعم الوكيل اهلي مخلين نفسيتي ضيقه كل يوم مشاكل وهواش ولا تلويح كلام يغث النفس والله صرت محتاره مع نفسي وش اسوي معاهم يعني انا مو متزوجه عشان اقول خلاص ارتحت منهم وحتى والله ان تزوجت مقدر اتركهم قلبي مايطاوعني هم اهلي ولكن بسببهم جالسه اقصر بأهم ركن واللي اذا صلح فراح يصلح باقي عملي فمدري وش اسوي انصحوني وخليهم معي .. اتمنى منكم الدعاء لي انه الله يهديني لديني وصلاتي و براحة البال وان الله يفرج علي يارب

السلام عليكم حبيت احي صاحبة الموضوع عالفكره هذي والله يجزاها خير وحبيت اعترف بشي خاص فيني...