لي عودة يابنات ربي يسعدكم فرحتوني انه لسة في تجاوب وانكم مامليتو

يابنات الي تحس بضيقة يعني انها ماشية صح بالبرنامج هذه طبعا للي عندها بلاء معين يعني لي طبيعية ماتدخل ضمن هذه الحسابات
طبعا بداية الامر تكون اللخبطة والضيقة عشان يكون في مقاومة من الشيطان يا انتي توقفين من البرنامج وتنهزمين وتستسلمين له
يا انك تستمرين وتضغطين على نفسك وتقاومين عشان ترتاحين ويخنس الشيطان او القرين


ومثل ماقلت لكم لي عودة ان شاء الله

ساعدوني ما ابي اوقف عن البرنامج.. طول الليل و انا تفكيري انسحب... :(

وليش تنسحبي
تعوذي من الشيطان وكملي معنا
وبدل ماتفكري بالانسحاب اقرئي سورة البقرة وتعوذي من هذا الوسواس
وان شاء الله ربي بيكون معك ويقويك

الأن الساعة 5:34 ص
اليوم الأحد
يومياتي ليوم الأحد
البارح قبل انام صليت الشفع والوتر قبل انام بسورة البقرة
خفت ما أقوم قبل الفجر
لكن الحمد لله قمت وصليت التهجد بسورة البقرة لللمرة الثانية ولله الحمد --------اذكروا الله :)
الأذكار مستمرة عليها بعد كل صلاة مكتوبة ولله الحمد
الأستغفار والصلاة على النبي عليه السلام ايضا مستمرة عليها
الفاتحة 7 مرات
هذا اللي سويته
والنهاية معكم وش سويتي قريتي الفاتحة ولا لا ؟؟؟؟
وش الشي الثاني اللي قلتيلي اذكرك به؟
نسيته ذكريني ههههههههههه

يوميات اليوم الخميس...
الحمدلله صليت القيام و قريت سورة البقرة... و اذكار الصبح..

و مع الدواام اكون مشغولة بالذكر بس مرات انسى و اسرح خير ان شاء الله ..

ييت البيت و انا في حماس ابي اشتغل على اعمال اليدوية بس من داخلي تعبانه احساسين متناقضين ما ادري ليش... بس هذا الواقع..

بعدها يلست مع الوالدة و سولفت معاها و بعدها يلست في الحجرة افكر و بعدها اقرا الاذكار ما ادري بلاني بالرغم اني ابي يكون ذهني صافي من اقرا القران هذي الحاله صارلها يومين...

و نمت بسرعة عسب اقوم قيام الليل ليوم الجمعة.. و هذي احلى اللحظات


يوميات ليوم الجمعة

الحمدلله على نعمة القيام و الصيام ... انا كنت صايمة و الحمدلله و كنت تعبانة محمومة ما ادري بلاني.. ما قدرت ادش النت بس حاسة اني كرهت كل شيء و اهلي مستانسين و لا حاسين فيني في بعض الاحيان اقول مل عليه انا معي ربي سيهدين و الله راح ييسر لي اموري و استانس مع اللي ابيه و بعض احيان ابكي لان الحزن بعيني و الكل يتجاهل منو يصبرني تعبت و انا اقولهم حسوا فيني..

الحمدلله ... على نعمة الصلاة و القيام