ماخاب من استخار ولاندم من استشار / خطبه

السلام عليكم ورحمه الله وبركاته

وحده من قرايبنا خطبها رجل مطلق وعمره بالاربعينات و عنده 3 اولاد .. اصغرهم بنت باولى ابتدائي
قريبتي هذي مطلقه بعد ماعاشت عيشه لاتطاق مع طليقها حسبنا الله ونعم الوكيل
وعمرها في اواسط العشرين .. تقول انا ارتحت بشكل مبدئي بعدين بديت افكر باولاده .. اخاف يلعقني فيهم او متزوج بس عشان اناظر اولاده ..وبعدين تقول هم بحكم الايتام واباخذ فيهم اجر وهم كبار يعني شايلين انفسهم .. بالعربي قريبتي متذبذبه برأيها .. وللان على الاستخاره ..

الكلام لسى الان عند الحريم وماصار شي رسمي ابد ولا شوفه ولا شي .. والحرمه اللي خطبت له تقول هي ببيت واولاده ببيت وبينهم باب .. واولاده عندهم مربيه وطباخه .. ولما سألوهم عن سبب الطلاق .. قالت هو متزوج اجنبيه بدون علم اهله وبعدين جابها وحطهم امام الامر الواقع واهله ضغطوا عليه بس ماسمع لهم مره .. الا لما طليقته بدت تطمع فيه وتسحب فلوسه لاهلها واخوانها طلقها ..

اتمنى اسمع رايكم ومشورتكم ..وهي بنفسها راح تتابع الموضوع :)
الله يجزى كل من ترد خير ويعطيها حتى يرضيها ..
وصلى الله وسلم على نبينا محمد وعلى اله وصحبه ..