ماخاب من استخار ولا ندم من استشار

السلام عليكم
انا عضوة جديدة معكم و جديده بعد على هذا القسم
انا في حيرة من امري ومثل ما هو واضح لكم بالعنوان


متزوجه صار لي سنه و اربع شهور
من بعد خمس شهور من الزواج
طلبت من زوجي نسوي فحوصات عشان الحمل
وبدينا فيه اول وكنت حاسه ان هو عنده مشكله
وإحساسي بمكانه
بعد التحاليل تبين ان لديه انعدام بالحيامن
طبعا كشفنا عند دكتور الغدد والسكر بالتخصصي
لان زوجي معه غده وسكر نوع ثاني ياخذ حبوب
وصف له الدكتور إبر ست شهور نوعين
وبعد الاستخدام
مانفعت والنتيجة صفر
انا قلت خلاص لازم نراجع مركز متخصص
وانا ماكان عندي خبره
كلمت ذريه وحجزت عند اقرب موعد
قلت الطب واحد والعلاج واحد والشافي الله
دخلنا عند دكتور شكله سمح اسمه خالد الربيعة
استشاري
وقال المشكله هرمونيه او جينيه واذا طلعت جينيه شي له علاج وشي الله كريم
انا وقتها مت صياح
وصرت ادعي ليل نهار ان ماتصير مشكله جينيه
حتى فعليا بديت افكر بالطلاق
وأمهل لزوجي قراري
لكن رحمة الله واسعه طلع التحليل الجيني سليم والحمدالله
وكتب له على علاج اريمديكس
طلبت منه يكتب هرمونات حاجات مقويات
رفض وقال ضياع فلوس ماتنفع بحالات الصفر
والإبر اللي أخذتوها مالها دخل بحالات الصفر
بعد استخدام العلاج مدة ثلاث شهور ومع الحجامه وخلطه عسل والدعا اولا واخير
ظهر حيامن بعدد قليل جدا لايذكر لكن بالنسبه لنا شي عظيم
اقترح الدكتور يسوي تفتيش مجهري
قال لاتضيعون الوقت والفلوس مايفيد الا التفتيش وألحقن
قلت له طيب اكتب فيتامينات انا اروح وأرجع على هالفيتاميتت
قالي ماتنفع كملو على نفس العلاج وبعد شهر بنسوي
انا حيرتي وين
اولا خايفه ان الدكتور مستعجل لان زوجي ماخذ فيتامينات
وثانيا خايفه من الدكتور نفسه اخاف انه مب شاطر بهالعمليات رغم انه استشاري كبير وعنده عياده بالحبيب وبالتخصصي والمنسقة مدحته واشوف عنده مراجعين زحمه
والاهم انه مب مادي
انا محتاره
وزوجي بدا يقتنع بالعملية قبل رافض بالمره
والمبلغ راح ناخذه من شخص قريب فما ودي بعد ما ناخذ المبلغ تفشل العمليه لاسمح الله
حتى رافض زوجي اننا نستشير دكتور ثاني
وشً رأيكم واللي زوجها سوا العمليه كيف الوضع
وهل توقعون ان بما انه طلع حيامن بالسايل ان شاءلله الوضع يصير زين