ماخاب من استشاااار(محتاجه نصيحة)

"بسم الله الرحمن الرحيم"السلام عليكم ورحمة الله وبركاته...
لوسمحتوا ي جماعة الخير حابين تفيدونا بهالموضوع عشان محتااااارين ويارب نلاقي الرأي السديد...
اتكلم ع لسان صديقتي
تعرفت ع واحده من جنسيه عربيه من خلال قناة كنت احس فيها وصرنا اكثر من اخوات عمري ماشفتها بس نتواصل ع طريق الجوال
هذه البنت عانت كثيير ف حياتها فقلت اساعدها واخفف عنها قد مااقدر البنت مبتلاه الحمدلله من مرض لمرض ساعدتها ف مصاريف العلاج وتكاليف مستشفيات خاصة ماقصرت معها ابد لدرجة انها تقولي انتي السبب بإني اعيش بعد ارادة الله طبعا عشان ماكانت تقدر تدفع قيمة العمليات وربي سخرني لها جلست كم سنه مبسوطة واحمد ربي انه معايا فلوس وقدرت اساعدها(حافز)اول سنه مااستفدت منه بشي وماكنت افكر بنفسي ابد قد ماافكر بصحتها وكيف انقذها لدرجة اني قلت حافز مو لي ربي جعله من نصيبها وطبعا الاخت من مرض لاقوى وهكذا تعبت من المصاريف معرفتي فيها لحد الآن٧سنوات صرفت عليها بحدود٢٠٠٠٠٠ريال ويمكن اكثر ولازلت عشان اصيبت بمرض السرطان(الله يشفيها وجميع مرضى المسلمين)واهلها طردوها من زمان حسبناالله ونعم الوكيل فيهم مالها غيري انا والله مابستفيد من فلوسي الا شي بسيط عشان ظروفي وسط الحمدلله ع الضمان وراتب تقاعد يدوب اقضي للبيت اسدد كهربا كله علي تقريبا ومعها نسيت نفسي حتى ف الاعياد اجيب لنفسي حاجات بسيطة كنت اقول صحة ادميه اهم وربي بيعوضني خير وهذااختبار من الله لازم اصبر واتحمل للاسف ذحين تعبت من المصاريف بيتنا يبغاله تصليحات وقبل كذة كان معي مبلغ لاهلي ع اساس تجديد فرش وكذه لمااحتاجت عمليه صرفته عليها ماني قادرة اجمع واشوف حالي وحال البيت افكر ابطل ارسل مصاريف لمده ٣شهور مثلا اواخليهاشهر وشهر بس خايفة يصيرها شي بسبب عدم اخذها للعلاج واندم عشان فبلدهم علاج السرطان بفلوس وخايفة يكون علي ذنب ماني عارفة حكم الشرع بهالحاله؟!
لو كنتوا مكان صديقتي كيف بتتصرفون؟!
"جزاكم الله خير"