ماخاب من استشار

السلام عليكم ورحمة الله وبركاته

انا مادري وين المكان المناسب اللي احط فيه هالموضوع بس ان شاء الله اني بالمكان الصحيح

بعطيكم نبذه عني بالاول

انا يابنات متزوجه ومغتربه مع زوجي للخارج عشان الدراسه ، ولي سنه و7 شهور مارجعت السعوديه :06::06:

المهم عندنا اجازه نهاية الشهر وبنرجع فيها باذن الله ومتحمسسسسه فوق ماتتخيلون مره مشتاقه لامي واهلي

الاجازه كلها اسبوعين وقلت ميخالف العوض ولا القطيعه والحمدلله اني بشوفهم وبقضي كل دقيقه معهم

المشكله وين :

اليوم كلمت امي اسولف معها وقالت لي يابنيتي والله بقولك شي يمكن يزعلك ، قلت خير عسى ماشر ؟؟ قالت لي ان وحده من جماعتنا ساكنه بعيييييييد عننا وانها من زمان وهي تقول ودي اجي ازوركم بحكم اننا ساكنين الغربيه عشان تجي وتعتمر وبتجيب بناتها وخواتها معها

المهم امي قالت لها الله يحييكم بس بنتي تبي تجي بالتاريخ الفلاني تعالو قبله

قالت لها طيب ، بعدها بفتره كلمتها واكدت امي عليها التاريخ وحفظتها اياه تحفيظ وقالت طيب


عاد امس مكلمه امي تقولها حجزنا بنفس يوم جيتي تخيلو الوقاحه !!

قالت لها امي انا قايلتلك بنتي بتجي وقعدتها كلها اسبوعين وبصير مشغوله معها قالت مالقينا حجز الا هاليوم وانا ادري انها متعمده

يابنات بيقعدون عندنا اسبوع ،، بصراحه مررره ضايقني الموضوع يعني انا جايه اشبع من اهلي عقب كل هالمده وامي تبي تصير مشغوله بهالضيوف وتبي تصير متشحططه معاهم


ليه الناس وقحين بهالشكل كان قدمت حجزها او اخرته اسبوعين ضاقت تجي بنفس يوم رجعتي وغير كذا زوجي معي ومره بيصير الوضع صعب بالبيت

طبعا انا قلت لامي خلاص لا تتضايقين وان شاء الله تبي تتسهل ،، بس احس اني انقهرت اسبوع بيروح من اجازتي بسببهم

الموضوع الثاني اللي مضايقني وهو ماله دخل بهالسالفه هو الحمل :44:

انا لي تقريبا حول ال3 سنين متزوجه وماكتب الله لي ذريه ( زوجي عنده مشاكل ) وشايله هم مواجه الناس ادري انهم بينتفوني ويغثوني بكلامهم

وانا يبان على وجهي بسرعه ماقدر اخبي لانه موضوع حساس جدا بالنسبه لي :44:

انصحوني كيف اتصرف ،، ماودي احد يحس ان هالموضوع يضايقني ودي احسسهم انه عادي بالنسبه لي

تكفون ادعو لي وانصحوني الله يجزاكم خير