ماخلا سب الا وقالها كلو علشان طلبت تحليل لبنتى !

صباح الخير حدخل فى الموضوع على طول واتمنى تفيدونى وتصبرونى \بنتى عمرها 4 سنين من شهرين تعانى من مغص كل فتره وكل ماقلت لابوها قال تدلع او يلهيها باى شي علشان ماتطلب والله انها تكره المستشفى ومن كثر المغص صارت تطلب ودونى المستشفى فى مره من المرات مسكينه اشتد عليها لبست شبشبها من الساعه 10 تنتظره وهو بيكركر قدام الكمبيوتر وبجلال الله الين وحده تجى تقولى ماما بابا مايودينى انتى ودينى فى النهايه راح نام على وحده الفجراجى اكلمه اللاقيه نام اكلمه يقولى تدلع بكيت من قلبها المهم من يومين استفراغ ودرجه حرارتها 40 ومولعا راسه يغلى كلمتو وداها بكشره نفس رحنا طوارى ومع الزحام مايكشفو بس يسالو اشبو الطفل ويكتبو الدواوالله البنت نايمه جنبها زى الفرن خفت امس نامت العصر تصحى المغرب الا تشتكى من بطنها احممها الاقى بطنها منفوخه طبعا هو خرج راح ينبسط جا بلغته ودها عياده كشفهم الاثنين ب10 ريال ربع ساعه اال هو راجع جايب مضاد لالتهاب الحلق ومرهم للحساسيه اساله يقولى مافيها شي بطنها حطيلها المرهم يومين مانفع يحلها ربك !انا هنا ماستحملت قلتلو حرام عليك اى احساس تحسو البنت شهرين تتالم كل ماقلتلك قلت مافيها شي تدلع ولا تجلس تلهى باافلام الكرتون كلو علشان لاتشكى وتجلس قدام الكمبيوتر الى هو كل اهلك كل ناسك يعنولك الا انا وبنتى صار يقول ايوا انتى اصلن عندى ولا شي ماخذ منك الاطواله السان قلتله ماخذه منك! لسانك يرش ويكنس تسكت تسكت تطلع كلام زى الزفت انا والله الحمد اهملتنى وماصار يهمنى الا بنتى والله لو صار لها شي فى رقبتك وماراح اسامحك دنيا واخره قام قال ايوه تبينيلى انك تخافى على البنت اكثر منى اصلن انتى قرف الله ياخذك وجع فى شكلك وكل ماسبنى قلتللو حتى انتى قرف وجع فى شكلك الله يقطع الساعه الى اخذتك قلتلو ليه اخذتنى طالمن ندمان كنت متامل فيكم خير وانا فى المقابل كل ماقالى سبه وشتمه رديتها نفسها اقلبى وجهك اطلع برا خذى اغراضك وانقلعى الين اخر كلمه انتى ماتسوي عندى شي انتى رخيصه عندى قالتله بان كل شي انا انسانه ماخذهه ماتدرى عنها هجر بالشهور لاطلبت شي قلت دبري نفسك ولا روحى بيت اهلك من شهر 11 وانا اعانى من المعده والم وحرقان اروح المستشفى والفلف بين العيادات واسوى اوراق وفى المقابل انتى فى السياره وساعات مايمديك اروح مستوصف الحى شويه وادوخ انا وبنتى فى عز الشموس والله ماانسي مره رجال شايب الله يجزاهم خير هو وحرمته فى المستوصف شافتنى كيف شويه وادوخ والى مجرب الم المعده يعرف كيف لااشتد خرجت مشي فى عز الظهيره انا وبنتى فى وسط الشارع ولا حاسه بالخطر والسيارات اتاريهم ورايا الا وتقولى يبنتى فين زوجك عنك اركبى نوصلك والله وصلتنى ليم الباب بكيت هداك اليوم يطلع الغريب يحن عليك ويشفق عليك اكثر من القريب كرهته ماتكلف نفسك تسالنى ويمسح عليا مافى كيف صرتى والى الان اعانى من اسبوعين والى الان والله شاهد عليا فى كل كلمه كتبتها اصباعى منتفخ اسبوعين ويالم والعظم يوجع ولا بالغلط يسال او يقول اكيد عند شغل البيت صرلها كدا مافى فايده والحين قالولى لازم تاخذى موعد لعياده عظام مانقدر نعطيكى دوا وشوفو مواعيد العيادات بعيده قلتله باين انى رخيصه تكلف على نفسك تسال من شهور ماذوق الاكل لقمه تمغصلى بطنى اشتهيت رز ايش قلت انتى كل شي تبغى تاكلى كلو تبغى تشتهى وهو فى المقابل شهرين ماقضينا نبغا شي من البقاله بكل بساطه تقولى احمدى ربك مااكله وشاربه منا على الاكل ولا كلمتك المعتاده اذا مااكلتو ماراح تموتو ايش الله جابرنى الين ابتلانى بالمعده الاكل اشوفو بالنظر فقط زواج اخوانى فى اجازه نصف السنه طلبته للزواج تخيلو يقولى مانى معطيكى شي دبرى نفسك واذا ماعجبك الباب يوسع جمل روحى بيت اهلك لمى عفشك واخرجى ولا الطرد فى الانصاص الليالى بان كل شي علشان كدا قلت رخيصه وحكايه دبرى نفسك طريقتين يااسرق او اتشرمط وانت قلى الطريق الى ادبر نفسي لانك عارف ماعندى مصدر دخل ولا اشتغل والرجال مايقول الكلام دا والله ملكه بنت اخوه نزلنا المدينه تخيلو معطينى 15 ريال طيب مصاريف وحليب عصير للبنت يقول مو لازم تشرب ماراح تموت بعت سلسلتى واشتريت للملكه وهديه للعروس وسددت قسط الروضه اسالكم بالله مين يستحمل لا وايش يقول ايوا البنات على قفا من يشيل اروح اخذ من بناتنا والله بنت خالتو قريب اطلقت زوجها طيب وشاريها من يوم ماتزوجت 5 سنين وعايشه بيت اهلها والله طلقها وهو مايبغى بحجه انو مدرس ومتخلف وتعرفىعلى قولتها لمن الوحه تكره الشي ماتقدر تغصب نفسها وانواع المسخره وقله الادب يروح بناتهم بالشهور بيوت الاهالى وصرفيات وشروط لاكن هم ماشافو كل دا لا والمضحك لا قلت حسبي الله ونعم الوكيل يضحك ويقول انا ماظلمتك ادعى عليا يوليا وماقصرت فى حقك كل هدا ماقصر الزبده انو طردنى وقالى لمى عفشك وانا اليوم حعطيكى ورقه طلاقك بينى وبينكم عفت العيشه معاه وكرهته خلاص لانو انسان ماعندو ادنى احساس ومسؤليه المضحك انو يهجرنى بالشهور 3 و4 خلاص من بعد الاجازه لمن طردنى وهاننى انا خرجت من غرفه النوم صرت انام فى غرفه المعيشه مع بنتى ماصرت اطلبه شي حتى اغراض البيت اكل اسويلهم واغرف انا مااكل معاه المهم كل واجباتى اسويه ماعدا اكلمه وانام معاه تخيلو زوجى الى من النوع الى على قولته انا انزل لحرمه مستحيل يراضي الحرمه ماتسوى عندو شي تخيلو من حول 3 اسابيع بغانى فى الفراش راسلى رساله خير احنا فين ماتقدر تكلمنى والباب قريب الباب لا وينافخ تجى استناكى عالسرير اذا ماحتجى قوليلى علشان انام بالله من الى يرضي والغرفه قباله غرفه والله حتى لاجانى كتاديه واجب بس يريح نفسه والله انو صار عندى احساس ميت ماصار يهمنى جا ولا ماجا ماصار يعنيلى شي بس الى قاهرنى الا بنتى قررت انزل الحين مع زواج اخوانى ومانى راجعه لانو انسان مالو نيه يتغير كم جلسه مافى فايده اقولو الى يبغا حياتو تتغير يتغير من نفسه يقول انا كدا عاجبك ماراح اتغير وبالفعل لاردى شورونى وقررت انا حروح لو بتكسي علشان بنتى مسكينه مانامت الا الفجر واتمنى مايحذفولى الموضوع لانى بحاجه لاارائكم ودعواتكم جزاكم الله خير